ବଣାଇ,୩୦/୧୧: ଧରଣୀଧର ପାଲି ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା । ଅଜଣା ଗାଡି ଧକ୍କାରେ ଚାଲିଗଲା ଚାଷୀଙ୍କ ସହ ଦୁଇ ବଳଦଙ୍କ ଜୀବନ । ମୃତକ କନ୍ତସରା ଗାଁର ସଙ୍ଖାଳି ପାତ୍ର ବୋଲି ଜଣା ପଡ଼ିଛି । ସୁନ୍ଦରଗଡ ଜିଲ୍ଲା ବଣାଇ ଅଞ୍ଚଳର ଧରଣୀଧର ପାଲି ନିକଟରେ ଏଭଳି ଘଟଣା ଘଟିଛି ।
ସୂଚନା ମୁତାବକ, କନ୍ତସରା ଗାଁର ସଙ୍ଖାଳି ପାତ୍ର ଗମଲେଇ ହାଟକୁ ଦୁଇଟି ବଳଦ ବିକ୍ରି କରିବାକୁ ନେଇ ଯାଉଥିଲେ । ଏହି ସମୟରେ ଧରଣୀଧର ପାଲି ନିକଟରେ ଏକ ଅଜଣା ଗାଡ଼ି ତାଙ୍କୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ହିଁ ଚାଷୀ ଏବଂ ଦୁଇ ବଳଦଙ୍କ ଜୀବନ ଚାଲି ଯାଇଥିଲା । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ପୋଲିସ ପହଞ୍ଚି ଚାଷୀଙ୍କ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଏହା ସହ ଘଟଣା ସ୍ଥଳରେ ଉପସ୍ଥିତ ରହି ଘଟଣାର ତଦନ୍ତ ଚଳାଇଛି ପୋଲିସ ।
