ମାଲକାନଗିରି, ୮/୯ : ଲଗାଣ ବର୍ଷାରେ  ମାଲକାନଗିରି ସହର ଜଳମଗ୍ନ ହୋଇଛି। ରବିବାର ସନ୍ଧ୍ୟାରେ ପାଙ୍ଗମ ନଦୀ ପୋଲ ଉପରେ ୨ଫୁଟ ଉଚ୍ଚରେ ପାଣି ଚାଲୁଥିବାରୁ ମାଲକାନଗିରି ଜୟପୁର ୩୨୬ ନମ୍ବର ଜାତୀୟ ରାଜପଥରେ ଯାନବାହାନ ଚଳାଚଳ ବନ୍ଦ ରହିଛି। ବର୍ଷା ଲାଗି ରହିଥିବାରୁ ସହରରେ ରବିବାର ସନ୍ଧ୍ୟାରୁ ଦୋକାନ ବଜାର ସବୁ ବନ୍ଦ ହୋଇଯାଇଛି।

ଆଜି ଅପରାହ୍ନରୁ ପ୍ରବଳ ଜୋରରେ ମାଲକାନଗିରି ଜିଲ୍ଲାରେ ବର୍ଷା ଲାଗି ରହିଛି । ସହରର ଥାନା ଛକ, ହୋଟେଲ କୁଇନାଇ ଛକ, ବାଲିସାଗର ସାହି, ବସ ଷ୍ଟାଣ୍ଡ ବିଭିନ୍ନ ସ୍ଥାନରେ ପାଣିର ସୁଅ ଚାଲୁଛି। ପାଣି ସୁଅରେ ରାସ୍ତା ଦେଖାଯାଉ ନାହିଁ। ଫଳରେ ଏହି ରାସ୍ତାରେ  ଯାତାୟତ ବନ୍ଦ ହୋଇଯାଇଛି।  ଏହି ବର୍ଷା ଦ୍ୱାରା ପୁଣି ଥରେ ସାବେରୀ, ସିଲେରୁ, ତମସା, ପୋଟେରୁ, ପାଙ୍ଗମ ନଦୀ ଫୁଲି ପୋଲ ଉପରେ ପାଣି ଚାଲିଛି । ବିଶେଷ କରି ପାଙ୍ଗମ ନଦୀ ପୋଲ ଉପରେ ଦୁଇଫୁଟ ଉଚ୍ଚର ପାଣି ଚାଲିଥିବାରୁ ମାଲକାନଗିରି ରୁ ଜୟପୁରକୁ ଯୋଗାଯୋଗ ବିଛିନ୍ନ ହୋଇଯାଇଛି। ପୋଲର ଦୁଇ ପାର୍ଶ୍ଵ ରେ ଶତାଧିକ ଯାନ ବାହନ ଅଟକି ରହିଛି। ବର୍ଷା ଏପରି ଲାଗି ରହିଲେ ମାଲକାନଗିରି ଜିଲ୍ଲା ରେ ବନ୍ୟା  ହେବାର ଆଶଙ୍କାକୁ ଏଡାଇ ଦିଆ ଯାଇନ ପାରେ।