ଗ୍ରୀଷ୍ମ ଋତୁରେ ଶରୀରକୁ ଥଣ୍ଡା ରଖିବା ଏବଂ ଡିଟକ୍ସ କରିବା ନିତ୍ୟାନ୍ତ ଆବଶ୍ୟକ । ଏପରି ପରିସ୍ଥିତିରେ ବିଭିନ୍ନ ପ୍ରକାରର ପାନୀୟ ପିଇବା ଆପଣଙ୍କ ପାଇଁ ଲାଭଦାୟକ ହୋଇପାରେ। ଏହି ପାନୀୟଗୁଡ଼ିକ ମଧ୍ୟରୁ ପାନ ପତ୍ର ସରବତ୍ ଏକ ଉତ୍କୃଷ୍ଟ ଘରୋଇ ଉପଚାର। ସାଧାରଣତଃ, ପାନ କେବଳ ସ୍ୱାଦ କିମ୍ବା ପରମ୍ପରା ସହିତ ଜଡିତ କିନ୍ତୁ ଆୟୁର୍ବେଦରେ ଏହାକୁ ଔଷଧୀୟ ଗୁଣରେ ପରିପୂର୍ଣ୍ଣ ବୋଲି ବିବେଚନା କରାଯାଏ। ଯଦି ଆପଣ ଗ୍ରୀଷ୍ମ ଋତୁରେ ପ୍ରତିଦିନ ପାନ ପତ୍ରରୁ ପ୍ରସ୍ତୁତ ସରବତ୍ ପିଅନ୍ତି, ତେବେ ଆପଣ ଅନେକ ସମସ୍ୟାରୁ ମୁକ୍ତି ପାଇପାରିବେ। ଆସନ୍ତୁ ଜାଣିବା ପାନ ପତ୍ର ପାଣି ପିଇବାର ଲାଭ -
ସନ୍ଧି ଯନ୍ତ୍ରଣାରୁ ମୁକ୍ତି - ପାନ ପତ୍ରରେ ଆଣ୍ଟି ଇନ୍ଫ୍ଲାମେଟୋରୀ ଗୁଣ ରହିଥାଏ । ତେଣୁ ପାନ ପତ୍ରରୁ ପ୍ରସ୍ତୁତ ସରବତ୍ ପିଇବା ଦ୍ୱାରା ସନ୍ଧି ଯନ୍ତ୍ରଣାରୁ ମୁକ୍ତି ମିଳିଥାଏ। ଫୁଲା ମଧ୍ୟ କମିଥାଏ।
ପାଚନ ପ୍ରକ୍ରିୟା ସୁସ୍ଥ ରହିବ - ପାନ ପତ୍ରରେ ଥିବା ୟୁଜେନୋଲ୍ ଏବଂ କାର୍ଭାକ୍ରୋଲ୍ ଭଳି ଉପାଦାନ ପାଚନ ପ୍ରକ୍ରିୟାକୁ ଉନ୍ନତ କରିଥାଏ। ଏହା ଗ୍ୟାସ୍, ବଦହଜମୀ ଏବଂ ପେଟ ଫୁଲିବା ସମସ୍ୟାରୁ ମୁକ୍ତି ଦିଏ।
ରକ୍ତରେ ଶର୍କରା ନିୟନ୍ତ୍ରଣ - ଗବେଷଣାରୁ ଜଣାପଡିଛି ଯେ, ପାନ ପତ୍ର ସରବତ୍ ରକ୍ତରେ ଶର୍କରାକୁ ସନ୍ତୁଳିତ କରିବାରେ ସାହାଯ୍ୟ କରିପାରେ।
ପାଟିର ଦୁର୍ଗନ୍ଧ କମ୍ କରେ - ପାନ ପତ୍ର ଆଣ୍ଟିବ୍ୟାକ୍ଟେରିଆଲ୍, ଯାହା ପାଟିର ଦୁର୍ଗନ୍ଧ, ଫୁଲିଯାଇଥିବା ମାଢ଼ି ଏବଂ ପାଟିର ଘା'ରୁ ମୁକ୍ତି ଦିଏ।
ଶରୀରକୁ ବିଷମୁକ୍ତ କରିଥାଏ- ପାନ ସରବତ୍ ଶରୀରରୁ ବିଷାକ୍ତ ପଦାର୍ଥ ବାହାର କରିବାରେ ସାହାଯ୍ୟ କରେ। ଏହାକୁ କିଡନୀ ଏବଂ ଯକୃତ ପାଇଁ ଲାଭଦାୟକ ବୋଲି ବିବେଚନା କରାଯାଏ ।
ଗରମରୁ ଦେଇଥାଏ ମୁକ୍ତି - ଏହା ଶରୀରକୁ ଭିତରୁ ଥଣ୍ଡା କରିଥାଏ, ଯାହା ଫଳରେ ହିଟ୍ ଷ୍ଟ୍ରୋକ୍ ଭଳି ସମସ୍ୟାକୁ ରୋକାଯାଏ । କାରଣ ଏହା ଶରୀରକୁ ଅତ୍ୟଧିକ ଗଦରମରୁ ରକ୍ଷା ଦେବା ସହ ଅନ୍ୟାନ୍ୟ ରୋଗରୁ ମଧ୍ୟ ମୁକ୍ତି ଦେଇଥାଏ ।
