ନବରଙ୍ଗପୁର,୧୫/୭(ଆପ୍ର): ୪ ଦିନ ତଳେ ନିଖୋଜ ଯୁବତୀଙ୍କ ଝୁଲନ୍ତା ଶବକୁ ନବରଙ୍ଗପୁର ପୁଲିସ୍ ଉଦ୍ଧାର କରିଛି । ତାଙ୍କ ନାଁ ସୁମନ ହରିଜନ (୧୮) ହୋଇଥିବା ବେଳେ ତାଙ୍କ ଘର ନବରଙ୍ଗପୁର ସହରର ଜାନକିନଗରରେ ବୋଲି ଜଣାପଡିଛି। ଜାନକିନଗର ଏକ ତୋଟାର ଏକ ଗଛରେ ତାଙ୍କ ଶବ ଝୁଲିରହିଥିଲା। ୪ଦିନ ତଳ ହୋଇଥିବା ଯୋଗୁ ଶବ ପଚି ସଢିଯାଇଛି।
ଘଟଣା ସ୍ଥଳକୁ ସାଇଣ୍ଟିଫିକ୍ ଟମ୍ ପହଞ୍ଚି ତଦନ୍ତ କରିଥିଲା। ତେବେ ଶବ ନିକଟରେ ପଡିଥିବା ଏକ ମୋବାଇଲକୁ ପୁଲିସ୍ ଜବତ କରିଛି। ହେଲେ କେଉଁ କାରଣ ଯୁବତୀ ଜଣଙ୍କ ଆତ୍ମହତ୍ୟା କରିଛନ୍ତି ତାହା ସ୍ପଷ୍ଟ ହୋଇନାହିଁ । ପୁଲିସ୍ ଶବକୁ ବ୍ୟବଚ୍ଛେଦ ପାଇଁ ପଠାଇ ଥାନାରେ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।
ସୂଚନାଯୋଗ୍ୟ ଯେ, ଗତ ୧୧ ତାରିଖ ଠାରୁ ଯୁବତୀ ନିଖୋଜ ଥିବା ନେଇ ପରିବାର ପକ୍ଷରୁ ନବରଙ୍ଗପୁର ଥାନାରେ ଏତଲା ଦିଆଯାଇଥିଲେ। ଆଜି ସକାଳା ଗାଁର ଏକ ତୋଟାର ଗଛରେ ଯୁବତୀଙ୍କ ଶବ ଝୁଲନ୍ତା ଅବସ୍ଥାରେ ଦେଖି କିଛି ଲୋକ ପୁଲିସ୍ କୁ ଖବର ଦେଇଥିଲେ ।
