ନୂଆଦିଲ୍ଲୀ,୨୯/୧୧: ଆଇସିସି ଚମ୍ପିଆନ୍ସ ଟ୍ରଫି ୨୦୨୫ ପାକିସ୍ତାନ ହେବ କି ନାହିଁ ତାହାକୁ ନେଇ ସସପେନ୍ସ ଲାଗି ରହିଛି । ଭାରତୀୟ କ୍ରିକେୟ ବୋର୍ଟ ପ୍ରଥମରୁ ହିଁ ସ୍ପଷ୍ଟ କରିଛି ଭାରତୀୟ କ୍ରିକେଟ ଦଳ ଚମ୍ପିଆନ୍ସ ଟ୍ରଫି ପାଇଁ ପାକିସ୍ତାନ ଯିବ ନାହିଁ । ଚମ୍ପିଆନ୍ସ ଟ୍ରଫି କେଉଁଠି ହେବ ସେ ନେଇ ଆଇସିସି ପକ୍ଷରୁ ଆଜି କିଛି ବଡ ନିଷ୍ପତ୍ତି ଆସିପାରେ । ଏହାରି ମଧ୍ୟରେ ଭାରତର ବୈଦେଶିକ ମନ୍ତ୍ରୀ ଏସ ଜୟଶଙ୍କର କ୍ରିକେଟ ଭାଷାରେ ଦେଶର ବିଦେଶ ନୀତି ବିଷୟରେ କହିଛନ୍ତି ।

An immense pleasure to release former Indian Cricketer Mohinder Amarnath’s memoir ‘Fearless’.

Thanked the legend for all the memories. His composure, competence and character hold many lessons, for cricket, for life and surely for diplomacy. pic.twitter.com/umQTqZzSGP

— Dr. S. Jaishankar (@DrSJaishankar) November 28, 2024

ଭାରତ-ପାକିସ୍ତାନ ମଧ୍ୟରେ କ୍ରିକେଟ ସହିତ ରାଜନୈତିକ ସମ୍ପର୍କ ମଧ୍ୟ ସେତେ ଭଲ ନାହିଁ । ବର୍ତ୍ତମାନ ଭାରତର ବୈଦେଶିକ ମନ୍ତ୍ରୀ ଏସ. ଜୟଶଙ୍କର ପାକିସ୍ତାନ ବିପକ୍ଷରେ ଭାରତର ନୀତିକୁ କ୍ରିକେଟ ଭାଷାରେ ବୁଝାଇଛନ୍ତି । ପୂର୍ବ ଭାରତୀୟ କ୍ରିକେଟର ମହିନ୍ଦର ଅମରନାଥଙ୍କ ଆତ୍ମକଥା 'ଫିୟରଲେସ' ଉନ୍ମୋଚନରେ ଅବସରରେ ଜୟଶଙ୍କର ବିଦେଶ ନୀତି ଉପରେ ଆଲୋଚନା କରିଛନ୍ତି ।

ଜୟଶଙ୍କର କହିଛନ୍ତି, ପାରମ୍ପରିକ ସାଇଡ-ଅନ ପୋଜିସନ ତୁଳନାରେ ତୁମେ ଓପନ ଚେଷ୍ଟ ପୋଜିସନକୁ ଆସିଥିଲ ।ସେହି ସମୟରେ ପାକିସ୍ତାନ ନୀତି ପାଇଁ ମୋତେ ଏହାଠୁ ଭଲ ବର୍ଣ୍ଣାନା ମିଳିପାରିବ ନାହିଁ । ବର୍ତ୍ତମାନ ପୂର୍ବପରି ସ୍ଥିତି ନାହିଁ। ପାକିସ୍ତାନ ସାମ୍ନାରେ ଏବେ ଭାରତ ଦୃଢତାର ସହ ସାମ୍ନା କରୁଛି । ୧୯୮୩ରେ ଭାରତୀୟ କ୍ରିକେଟ ଦଳ ବିଶ୍ବକପ ଜିତିବା ଟର୍ଣ୍ଣିଂ ପଏଣ୍ଟ ଥିବା କହିଛନ୍ତି ।

ସେ ଆହୁରି କହିଛନ୍ତି, ବିଦେଶ ନୀତି ସତରଞ୍ଚର କାରଣ କ୍ରିକେଟ । ଏହା କ୍ରିକେଟ ପରି କାରଣ ଏଥିରେ ଅନେକ ଖେଳାଳି ଥାନ୍ତି । ଖେଳର ପରିସ୍ଥିତି ବଦଳିଥାଏ । ଘରେ ଖେଳିବା ଓ ବିଦେଶରେ ଖେଳିବା ବହୁତ ଅଲଗା ହୋଇଥାଏ । ଅନେକ ସମୟରେ ଅମ୍ପାୟାରଙ୍କ ଇଚ୍ଛା ଉପରେ ନିର୍ଭର କରିବାକୁ ପଡିଥାଏ । ବିପକ୍ଷ ଦଳକୁ ହରାଇବା, ତାଙ୍କ ରଣନୀତିକୁ ବୁଝିବା ଟିକେ ଅଲଗା ହୋଇଥାଏ । ମୈଦାନକୁ ଓହ୍ଲାଇବା ପରେ ପ୍ରତିଶୋଧ ଭାବନା ଆସିଥାଏ । 

ପ୍ରକାଶ ଥାଉ କି, ୧୯୮୨ରେ ପାକିସ୍ତାନ ଗସ୍ତ କରିଥିଲା । ପାକିସ୍ତାନ ବିପକ୍ଷରେ ଭାରତୀୟ ଦଳ ୬ଟି ଟେଷ୍ଟ ମ୍ୟାଚ ଖେଳିଥିଲା । ୩-୦ରେ ପରାସ୍ତ ହୋଇଥିଲା । ଏହି ସିରିଜରେ ଅମରନାଥଙ୍କ ବ୍ୟତୀତ କପିଳ ଦେବ ଓ ସୁନୀଲ ଗାଭାସ୍କରଙ୍କ ପରି ବରିଷ୍ଠ ଖେଳାଳି ଥିଲେ । ଏହାପର ବର୍ଷ କପିଳ ଦେବଙ୍କ ନେତୃତ୍ବରେ ବିଶ୍ବକପ ଜିତି ଇତିହାସ ରଚିଥିବା ଭାରତୀୟ ଦଳ।