ନୂଆପଡ଼ା,୧୫।୭(ଆପ୍ର):ନୂଆପଡ଼ା ଥାନା ସାଇପଲା ଗାଁ ନିକଟ ବହଲଡ଼ିହି ଗାଁରେ ବଜ୍ରାଘାତରେ ଜଣେ ଚାଷୀଙ୍କ ମୃତ୍ୟୁ ହୋଇଛି । ମୃତକ ଚାଷୀଙ୍କ ବହଲଡ଼ିହି ଗାଁର ଭରତ ଲୋହାର(୨୫) । 

ବହଲଡ଼ିହି ଗାଁର ଭରତ ଓ ସ୍ତ୍ରୀ ଶୁଶିଲା ସହ ଦୁଇ ଜଣ ଛୁଆ ଚାଷ କାମ ପାଇଁ ଚାଷଜମିକୁ ଯାଇଥିଲେ । ଅପରାହ୍ନରେ ଘଡଘଡି ସହ ବର୍ଷା ହୋଇଥିଲା । ଚାଷଜମିରେ ଭରତ ଚାଷ କାମ କରୁଥିଲେ । ଏହି ସମୟରେ ବଜ୍ରାଘାତ ହେବାରୁ ଭରତ ଚାଷ ଜମି ପାଣିରେ ଟଳି ପଡ଼ିଥିଲେ । ପରିବାର ଲୋକେ ଆମ୍ବୁଲାନ୍ସ ସାହାଯ୍ୟରେ ଗୁରୁତର ଅବସ୍ଥାରେ ଉଦ୍ଧାର କରି ନୂଆପଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ସେଠାରେ  ଭରତଙ୍କୁ ଡାକ୍ତର ମୃତ ଘୋଷଣା କରିଥିଲେ । ତେବେ ସନ୍ଧ୍ୟା ହେବାରୁ ବ୍ୟବଚ୍ଛେଦ ହୋଇ ପାରି ନାହିଁ । ବୁଧବାର ମୃତଦେହକୁ ବ୍ୟବଚ୍ଛେଦ କରି ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ପୁଲିସ ସୂଚନା ଦେଇଛି ।