ନୂଆପଡା, ୦୯/୦୮: ଜାତୀୟ ରାଜପଥ ୩୫୩ କ୍ରିଷ୍ଣା ଛକ ସ୍ଥିତ ତେତେଲବନ୍ଧ ପାଖରେ ଦୁର୍ଘଟଣା। ଟ୍ରକ୍ ଧକ୍କାରେ ଚାଲିଗଲା ମାମୁ ଭଣଜାଙ୍କ ଜୀବନ । ମୃତକ କୋମନା ଥାନା ଖଇରଭାଡି ଗ୍ରାମର ପ୍ରେମ ମାଝୀ ଓ ଖୁଟଲୁ ମାଝୀ ବୋଲି ଜଣାପଡ଼ିଛି ।
ସୂଚନା ମୁତାବକ, ପ୍ରେମ ଜଣେ ସେନା କର୍ମଚାରୀ। ଶୁକ୍ରବାର ଛୁଟିରେ ଆସିଥିବା ବେଳେ କୋଣସି କାମ ପାଇଁ ତାଙ୍କ ଭଣଜା ସହ କୋମନା ଯାଉଥିଲେ । ହେଲେ ବାଟରେ ଯିବା ବେଳେ ଦୁର୍ଘଟଣା ହୋଇଥିଲା । ଟ୍ରକ୍ ଧକ୍କାରେ ଉଭୟଙ୍କ ମୃତ୍ୟୁ ହୋଇଥିଲା । ଏ ସମ୍ପର୍କରେ ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚିଛି । ଦୁର୍ଘଟଣା ଘଟାଇଥିବା ଆନ୍ଧ୍ର ଟ୍ରକ୍ ସହ ଦୁଇଜଣଙ୍କୁ ଅଟକ ରଖିଛି ତରବୋଡ଼ ଫାଣ୍ଡି ପୁଲିସ।
