କଣ୍ଟାବାଞ୍ଜି,୦୬/୧୦: ବେଆଇନ କ୍ଲିନିକ ଖୋଲି ଅଡୁଆରେ ପଡ଼ିଲେ ନକଲି ଡାକ୍ତର । ରୋଗୀଙ୍କ ଜୀବନ ସହ ଖେଳି ଗିରଫ ହେଲେ ପଶ୍ଚିମବଙ୍ଗର ପଳାସା ବିଶ୍ୱାସ । ଏନେଇ ଅଭିଯୋଗ ହେବା ପରେ ଗିରଫ କଲା ସିନ୍ଧେକେଲା ପୋଲିସ । ବଲାଙ୍ଗୀରର ଜିଲ୍ଲା କଣ୍ଟାବାଞ୍ଜି ବ୍ଲକ୍ରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ପଶ୍ଚିମବଙ୍ଗର ପଳାସା ବିଶ୍ୱାସ ବଲାଙ୍ଗୀରର କଣ୍ଟାବାଞ୍ଜି ଅଞ୍ଚଳରେ ଜାକ୍ତର ସାଜି ଏକ ନକଲି କ୍ଲିନିକ ଖୋଲି ରୋଗୀଙ୍କ ଚିକିତ୍ସା କରୁଥିଲେ । ଏନେଇ ରୋଗୀ ଜାଣିବା ପରେ ନକଲି ଡାକ୍ତରଙ୍କ ନାଁରେ ସିନ୍ଧେକେଲା ଥାନାରେ ଏକ ଲିଖିତ ଅଭିଯୋଗ କରିଥିଲେ । ଉକ୍ତ ଅଭିଯୋଗ ଆଧାରରେ ନକଲି ଡାକ୍ତର ପଳାସା ବିଶ୍ୱାସଙ୍କୁ ଗିରଫ କରିଛି ସିନ୍ଧେକେଲା ପୋଲିସ । ନକଲି ଡାକ୍ତରଙ୍କୁ ଏହି ଘଟଣା ସମ୍ପର୍କରେ ପତରାଉଚରା କରି ତଦନ୍ତ କରୁଛି ପୋଲିସ ।
