କେନ୍ଦୁଝର, ୧୭/୧୦: ହାତୀ ଆକ୍ରମଣରେ ପ୍ରାଣ ହରାଇଲେ ଯୁବକ । ମୃତକ ଏଲିଫାଣ୍ଟ ସ୍କ୍ୱାର୍ଡର ସଦସ୍ୟ ବସନ୍ତ ମହାନ୍ତ ବୋଲି ଜଣାପଡ଼ିଛି । କେନ୍ଦୁଝର ଜିଲ୍ଲା ସଦର ରେଞ୍ଜର ଝାରବେଡ଼ା ଗାଁ ନିକଟରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ବୁଧବାର ବିଳମ୍ୱିତ ରାତିରେ ସଦର ରେଞ୍ଜର ଝାରବେଡ଼ା ଗାଁ ନିକଟରେ ଏକ ୭ ଟିକିଆ ବଣୁଆ ହାତୀପଲ ଉତ୍ପାତ ହେଇଥିଲେ । ସେଥିପାଇଁ ହାତୀପଲଙ୍କ ଉପରେ ନିଜର ରଖିବାକୁ ଏଲିଫାଣ୍ଟ ସ୍କ୍ୱାର୍ଡର ସଦସ୍ୟ ବସନ୍ତ ମହାନ୍ତ ସେଠାରେ ଉପସ୍ଥିତ ଥିଲେ । ଏହାରି ଭିତରେ ହାତୀ ଆକ୍ରମଣର ଶିକାର ହୋଇଥିଲେ ବସନ୍ତ । ବଣୁଆହାତୀଙ୍କ ଆକ୍ରମଣରେ ପ୍ରାଣ ହରାଇଥିଲେ ବସନ୍ତ । ଏହା ଦେଖି ସ୍ଥାନୀୟଲୋକେ ତୁରନ୍ତ ତୁରନ୍ତ ବନବିଭାଗକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ବନବିଭାଗର କର୍ମଚାରୀ ପହଞ୍ଚି ଯୁବକଙ୍କ ମୃତଦେହ ଉଦ୍ଧାର କରିଛି ।