ନୂଆଦିଲ୍ଲୀ: ମହାରାଷ୍ଟ୍ରରେ ସିଏମ୍ ଚୟନକୁ ନେଇ ଚାଲିଥିବା ସସପେନ୍ସ ଶେଷ ହୋଇଛି। ଏକନାଥ ସିନ୍ଦେ ଆଜି ସ୍ପଷ୍ଟ ଭାବେ କହିଛନ୍ତି ଯେ, ଆସନ୍ତାକାଲି( ସୋମବାର) ବିଜେପି ବିଧାୟକ ଦଳ ବୈଠକରେ ସିଏମଙ୍କ ନାମ ଉପରେ ନିଷ୍ପତ୍ତି ନିଆଯିବ । ଦିଲ୍ଲୀରେ ଅମିତ ଶାହାଙ୍କୁ ଭେଟିବା ପରେ ଏକନାଥ ସିନ୍ଦେ ନିଜ ସହର ସତାରାକୁ ଫେରିଥିଲେ । ଏପରିକି ମହାୟୁତି ବୈଠକ ମଧ୍ୟ ହୋଇପାରି ନଥିଲା । ଏହା ପରେ ସିଏମ୍କୁ ନେଇ ସନ୍ଦେହ ସୃଷ୍ଟି ହୋଇଥିଲା। କିନ୍ତୁ ଆଜି (ରବିବାର) ସେ ଗଣମାଧ୍ୟମକୁ ସ୍ପଷ୍ଟ କରିଛନ୍ତି ଯେ, ଆସନ୍ତାକାଲି (ସୋମବାର) ବିଜେପି ବିଧାୟକ ଦଳ ବୈଠକରେ ସିଏମଙ୍କ ନାମ ଉପରେ ମୋହର ଲାଗିବ ।
ଏହା ପୂର୍ବରୁ ଗତକାଲି ଏକନାଥ ସିନ୍ଦେଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡି ଯାଇଥିଲା। ଡାକ୍ତରମାନେ ତାଙ୍କୁ ପରୀକ୍ଷା କରି ବିଶ୍ରାମ ନେବାକୁ ପରାମର୍ଶ ଦେଇଥିଲେ। ଏବେ ଗଣମାଧ୍ୟମ ସାମ୍ନାରେ ଏକନାଥ ସିନ୍ଦେ କହିଛନ୍ତି କି, "ମୋର ସ୍ୱାସ୍ଥ୍ୟ ବର୍ତ୍ତମାନ ଭଲ ଅଛି। ମୁଁ ବିଶ୍ରାମ ନେବାକୁ ଏଠାକୁ ଆସିଥିଲି । ନିର୍ବାଚନରେ ବହୁତ ଦୌଡୁଥିଲି। ମୁଁ ଗୋଟିଏ ଦିନରେ ୮ ରୁ ୧୦ ବୈଠକ କରିଥିଲି । ମୋର କାର୍ଯ୍ୟକାଳ ମଧ୍ୟରେ ମୁଁ କୌଣସି ଛୁଟି ନେଇ ନାହିଁ । ସରକାର ଲୋକଙ୍କ ସ୍ୱରରେ ଅଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଅମିତ ଶାହା ଯାହା କୁହନ୍ତି ସେଥିପାଇଁ ମୋର ସମ୍ପୂର୍ଣ୍ଣ ସମର୍ଥନ ରହିଛି।
ଅଢେଇ ବର୍ଷର ସ୍ୱଳ୍ପ କାର୍ଯ୍ୟକାଳ ମଧ୍ୟରେ ଜନସାଧାରଣଙ୍କ ପାଇଁ ବହୁତ କାମ କରିଛୁ, ଯାହାର ଫଳାଫଳ ହେଉଛି ଜନସାଧାରଣ ଆମକୁ ଏକ ବଡ଼ ଆଦେଶ ଦେଇଛନ୍ତି। ସେ କହିଛନ୍ତି ଯେ ଆମେ ଯାହା ପାଇଛୁ ସେ ବିଷୟରେ ଚିନ୍ତା କରିବା ଉଚିତ୍ ନୁହେଁ କିନ୍ତୁ ଲୋକମାନେ ଆମକୁ ଯାହା ଦେଇଛନ୍ତି ତାହା ଉପରେ କାର୍ଯ୍ୟ କରିବା ଉଚିତ୍।
