ନୂଆଦିଲ୍ଲୀ,୧୭।୮:  ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧୀଙ୍କ ଦ୍ୱାରା କରାଯାଇଥିବା ଭୋଟ ଚୋରି ଅଭିଯୋଗର ଉତ୍ତର ରଖିଛନ୍ତି ନିର୍ବାଚନ କମିଶନ୍। ରବିବାର ଏକ ସାମ୍ବାଦିକ ସମ୍ମିଳନୀରେ ନିର୍ବାଚନ କମିଶନ ସ୍ପଷ୍ଟ ଜବାବ ଦେଇଛନ୍ତି। ସେ ରାହୁଲ ଗାନ୍ଧୀଙ୍କ ନାଁ ନଧରି କହିଛନ୍ତି, ନିର୍ବାଚନ କମିଶନ୍ ଓ ମତଦାତା ସୂଚୀକୁ ନେଇ ଯେଉଁ ଆରୋପ ଲଗାଯାଇଛି ତାହା ମିଥ୍ୟ। ଯଦି ତାଙ୍କ ପାଖରେ ଏହାକୁ ସତ କହିବାର ପ୍ରାମଣ ଅଛି ତେବେ  ୭ ଦିନ ଭିତରେ ଆଫିଡେଭିଟ୍ ଦାଖଲ କରନ୍ତୁ। ନଚେତ ପୁରା ଦେଶକୁ କ୍ଷମା ମାଗନ୍ତୁ।    

ମୁଖ୍ୟ ନିର୍ବାଚନ କମିଶନର ଜ୍ଞାନେଶ କୁମାର କହିଛନ୍ତି, ମତଦାତା ସୂଚୀକୁ ଶୁଦ୍ଧ କରିବା ଏକ ମିଳିତ ଦାୟିତ୍ବ। କିନ୍ତୁ ବିହାରରେ ଆମର ବୁଥ୍ ଲେବଲ୍ ଅଧିକାରୀ, ବୁଥ୍ ଲେବଲ ଏଜେଣ୍ଟ ଓ ରାଜନୈତିକ ଦଳ ସହ ମିଶି କାମ କରିଛନ୍ତି। ‘ଯଦି କେହି ଭାବୁଛନ୍ତି  ଏକ PPT ଦେଖାଇ, ଯାହା ନିର୍ବାଚନ କମିଶନଙ୍କ ସଂଖ୍ୟା ନୁହେଁ, ତାକୁ ଭୁଲ ଭାବରେ ବିଶ୍ଲେଷଣ କରିବା ଓ ଏହା କହିବା ଯେ, କୌଣସି ମହିଳା ଦୁଇ ଥର ମତଦାନ ଦେଇଛନ୍ତି, ତେବେ ତାହା ଗମ୍ଭୀର ଅଭିଯୋଗ।  ସେ ଜୋର ଦେଇ କହିଛନ୍ତି,  ଆଫିଡେଭିଟ୍ ବିନା, ନିର୍ବାଚନ କମିଶନ ଏପରି ଗୁରୁତର ଅଭିଯୋଗ ଉପରେ କାର୍ଯ୍ୟାନୁଷ୍ଠାନ ନେଇପାରିବେ ନାହିଁ କାରଣ ଏହା ସମ୍ବିଧାନ ଏବଂ ନିର୍ବାଚନ କମିଶନ ଉଭୟର ବିରୋଧୀ ହେବ। 

ରାହୁଲଙ୍କ ନାଁ ନନେଇ ଜ୍ଞାନେଶ କୁମାର କହିଛନ୍ତି ମୋର ସବୁ ଭୋଟରଙ୍କୁ ଅପରାଧୀ କହିଲେ ନିର୍ବାଚନ କମିଶନ କିଭଳି ଶାନ୍ତ ରହିବେ। ଏହା ସମ୍ଭବ ନୁହେଁ। ଆଫିଡେଭିଟ୍ ଦେଖାବୁ ହିଁ ହେବ, ଏହା ଦେଶକୁ କ୍ଷମା ମାଗିବାକୁ ହେବ, ତୃତୀୟ ବିକଳ୍ପ କିଛି ନାହିଁ। ଯଦି ୭ ଦିନ ଭିତରେ ଆଫିଡେଭିଟ୍‌ ନମିଳେ ତେବେ ଏହାର ଅର୍ଥ ହେଉଛି ସବୁ ଅଭିଯୋଗ ଆଧାରହୀନ। ଆମ ଭୋଟରକୁ ନକଲି କହୁଥିବାରୁ ତାଙ୍କୁ କ୍ଷମା ମାଗିବା ଦରକାର।