କୋଚି: କେରଳର କୋଚି ଉପକୂଳରେ ଏକ ବିଦେଶୀ କାର୍ଗୋ ଜାହାଜ ଏକ ଭାରତୀୟ ମାଛଧରା ଡଙ୍ଗାକୁ ଧକ୍କା ଦେବା ଫଳରେ ଦୁଇ ମତ୍ସ୍ୟଜୀବୀଙ୍କର ମୃତ୍ୟୁ ହୋଇଛି ଏବଂ ଜଣେ ନିଖୋଜ ଥିବା ସୂଚନା ମିଳିଛି। ଏହି ଦୁର୍ଘଟଣା ମଙ୍ଗଳବାର ସକାଳେ ଘଟିଥିବା ଜଣାପଡ଼ିଛି। ପ୍ରାରମ୍ଭିକ ରିପୋର୍ଟ ଅନୁଯାୟୀ, ମୃତକମାନଙ୍କ ମଧ୍ୟରୁ ଜଣେ ତାମିଲନାଡୁର କୋଲାଚେଲରୁ ଏବଂ ଅନ୍ୟ ଜଣେ ଆସାମରୁ ଥିବା ଜଣାଯାଇଛି।
ଖବର ମୁତାବକ, ପାନାମା ମାଲିକାନାରେ ଥିବା ଏକ ତୌଳ ରସାୟନ ବାହି କଣ୍ଟେନର ଜାହାଜ ମାୱ ନେଇ ଇଜିପ୍ଟ ଜାଇଥିଲା। ଏହି ସମୟରେ ନିଶନିୟା ନାମକ ଏତ ମାଛ ଧରା ଡଙ୍ଗା ସମୁଦ୍ରକୁ ମାଛ ଧରିବାକୁ ଯାଉଥିବା ବେଳେ ଜାହାଜ ସହ ଆମ୍ନାସାମ୍ନି ଧକ୍କା ହୋଇଥିଲା। ଯେଉଁଥିରେ ଙଙ୍ଗାଟି ସମ୍ପୂର୍ଣ୍ଣ ଧ୍ୱସଂ ହୋଇଯାଇଥିବା ବେଳେ ଜାହାଜଟିକୁ ଆଂଶିକ କ୍ଷତି ପହଞ୍ଚିଛି।
ଦୁର୍ଘଟଣା ସମୟରେ ଉକ୍ତ ମାଛ ଧରା ବୋଟରେ ୧୨ ଜଣ ଉପସ୍ଥିତ ରହିଥିଲେ। ଦୁର୍ଘଟଣା ପୂର୍ବରୁ ୬ ଜଣ ଲୋକ ସମୁଦ୍ରକୁ ଡେଇଁ ପଡିଥିଲେ। କୋଷ୍ଟାଲ ପୋଲିସ ଏନେଇ ଏକ ମାମଲା ରୁଜୁ କରିବା ସହ ତଦନ୍ତ ଜାରି ରଖିଛି।
ଡାଇରେକ୍ଟର ଜେନେରାଲ (ସିପିଂ) ଏବଂ ମର୍କାଣ୍ଟାଇଲ ମେରାଇନ ବିଭାଗର ଅଧିକାରୀମାନେ ମଙ୍ଗଳବାର ଦିନ ଏହି ବିଦେଶୀ କାର୍ଗୋ ଜାହାଜର ସମସ୍ତ ରେକର୍ଡ, ଡିଜିଟାଲ ଡାଟା ସହିତ, ଜବତ କରିଛନ୍ତି। ଏହି ଘଟଣା ସମ୍ପର୍କରେ ତଦନ୍ତ ଜାରି ରହିଛି।
ଏହା ବ୍ୟତୀତ, କୋଚି ନିକଟରେ ଅନ୍ୟ ଏକ ଜାହାଜ ଦୁର୍ଘଟଣାରେ ଏକ କାର୍ଗୋ ଜାହାଜ ଡୁବିଯାଇଛି। ଯାହା ସମୁଦ୍ରରେ କଣ୍ଟେନର ଏବଂ ଇନ୍ଧନ ଲିକ୍ ହେବା ଆଶଙ୍କା ସୃଷ୍ଟି କରିଛି। ଏହି ଘଟଣା କେରଳ ଉପକୂଳରେ ସୁରକ୍ଷା ଏବଂ ପରିବେଶ ସମ୍ପର୍କିତ ଚିନ୍ତାକୁ ବଢ଼ାଇ ଦେଇଛି।
