ଫିରିଙ୍ଗିଆ, ୨।୧୨ : କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକରେ ଆଜି ପର୍ଯ୍ୟନ୍ତ ବ୍ଲକର ବିଭିନ୍ନ ଉପାନ୍ତ ଅଞ୍ଚଳକୁ ସରକାରଙ୍କ ବିଭିନ୍ନ ଯୋଜନା ଠିକ ଭାବରେ ପହଞ୍ଚି ପାରି ନାହିଁ l ଗମନାଗମନ, ଶିକ୍ଷା ବ୍ୟବସ୍ଥା ହେଉ କି ସ୍ୱାସ୍ଥ୍ୟ ସେବା ଲୋକଙ୍କ ସୁବିଧା ପାଇଁ ପହଞ୍ଚି ପାରୁନଥିବାରୁ ଜନସାଧାରଣ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି l ଫିରିଙ୍ଗିଆ ବ୍ଲକ ନୁଆଁ ପଦର ପଞ୍ଚାୟତର ଜାର୍ଗୀ ପଡା ଅନ୍ତର୍ଗତ ପ୍ରାୟ ୭ ରୁ ଉର୍ଦ୍ଧ ଗ୍ରାମର ପ୍ରାୟ ୫ ଶହରୁ ଉର୍ଦ୍ଧ ଜନସାଧାରଣ ଆଜି ପର୍ଯ୍ୟନ୍ତ ଯାତାୟତ ପାଇଁ ଠିକ ରାସ୍ତା ଟିଏ ନଥିବାରୁ ଯିବା ଆସିବାରେ ବହୁତ ଅସୁବିଧା ଭୋଗୁଛନ୍ତି l

ସ୍କୁଲ ସାହି, ପୁରୁଣା ସାହି, ଶ୍ରାମ୍ଭୁ ପଡା, ଡାଡାକା ପଡା, ମାଣୀଜାଲା, ପାଗାଷ ପାଙ୍ଗା, ଭଳି ପ୍ରାୟ ୭ ଟି ଗ୍ରାମ ବାସୀଙ୍କ ପାଇଁ ଗ୍ରାମ ପଞ୍ଚାୟତ କାର୍ଯ୍ୟାଳୟ ଠାରୁ ଛାତ୍ର ଛାତ୍ରୀଙ୍କ ପାଠ ପଢିବା ପାଇଁ ମଧ୍ୟ ପାଖା ପାଖି ୪ କିଲୋମିଟର ଖାଲ ଖମା ରାସ୍ତା ଦେଇ ବର୍ଷ ତମାମ ଯିବାକୁ ପଡିଥାଏ l ବର୍ଷା ଦିନ ଆସିଲେ ପାଠ ପଢ଼ୁଥିବା ଛାତ୍ର ଛାତ୍ରୀ ଏମିତି କି ପଞ୍ଚାୟତ କାର୍ଯ୍ୟାଳୟକୁ ଯିବା ପାଇଁ ମଧ୍ୟ ଲୋକମାନେ ସମସ୍ୟାର ସମ୍ମୁଖୀନ ହେଉଛନ୍ତି ବୋଲି  ନୂଆ ପଦର ସରପଞ୍ଚ ଭବାନୀ ଶଙ୍କର କହଁର କହିଛନ୍ତି। ମେଡିକାଲ ପାଇଁ ଜରୁରୀ ପରିସ୍ଥିତି ରେ ଯିବାକୁ ହେଲେ ବୁଲି ବୁଲି କୁଟି ଗୁଡା ଦେଇ ଯିବାକୁ ପଡୁଛି ବୋଲି ଗ୍ରାମବାସୀ ଅଭିଯୋଗ କରିଛନ୍ତି। 

ଏହି ଗାଁ ମାନଙ୍କ ମଧ୍ୟରେ ଗୋଟିଏ ଅଙ୍ଗନବାଡି ସହ ଗୋଟିଏ ପ୍ରାଥମିକ ବିଦ୍ୟାଳୟ ଅଛି । କିନ୍ତୁ ରାସ୍ତା ସମସ୍ୟା ଅଞ୍ଚଳର ମୁଖ୍ୟ ସମସ୍ୟା ପାଲଟିଛି l  ଗ୍ରାମ ବାସୀଙ୍କ କହିବା ମୁତାବକ ରବିଙ୍ଗିଆ ଠାରୁ ଜାର୍ଗୀ ପଡା ଦେଇ କୁଇଲାରୀ ପର୍ଯ୍ୟନ୍ତ ଯାଇଥବା  ରାସ୍ତାରେ ପ୍ରାୟ ୫0 ବର୍ଷ ହେବ ଆଜି ପର୍ଯ୍ୟନ୍ତ କୌଣସି ରାସ୍ତା ମରାମତି ହୋଇନଥିବା ବେଳେ ମାଟି ମୁଠାଏ ମଧ୍ୟ ପଡ଼ି ନାହିଁ l ଯାହା ଦ୍ୱାରା ଏହି ରାସ୍ତା ଖାଲ ଖମା ହୋଇ ରହିଛି l ସରକାରଙ୍କ ତରଫରୁ ଆଜି ପର୍ଯ୍ୟନ୍ତ କୌଣସି ଦୃଷ୍ଟି ପଡ଼ିନଥିବା ବେଳେ ଗ୍ରାମ ବାସୀଙ୍କ ତରଫରୁ ବାରମ୍ବାର ପଞ୍ଚାୟତ କାର୍ଯ୍ୟାଳୟ, ବ୍ଲକ କାର୍ଯ୍ୟାଳୟ, ଜିଲ୍ଲା ପାଳ ଏବଂ ଏମିତି କି ବିଧାୟକ, ସାଂସଦ ଙ୍କୁ ଲିଖିତ ଭାବରେ ଦେଇଥିଲେ ମଧ୍ୟ କୌଣସି ରାସ୍ତା ଟିଏ ନିର୍ମାଣ ହୋଇ ପାରି ନାହିଁ l ଗ୍ରାମର ପ୍ରଦୀପ ମଲିକ, ଦୀନବନ୍ଧୁ ମଲିକ, ସୁଗ୍ରୀ ମଲିକ, ଦିବାକର ମଲିକ, ଉଦୟ ନାଥ ମଲିକ, ଅନିତା ମଲିକ, ସାବିତା ମଲିକ ଙ୍କ ସହ ଅଞ୍ଚଳ ବାସି ରବିଙ୍ଗିଆ ବସ ଷ୍ଟାଣ୍ଡ ନିକଟରୁ ଜାର୍ଗୀ ପଡା ଦେଇ କୁଇଲାରୀ ପର୍ଯ୍ୟନ୍ତ ପ୍ରାୟ ୫ କିଲୋମିଟର ରୁ ଉର୍ଦ୍ଧ ରାସ୍ତା ପ୍ରଧାନମନ୍ତ୍ରୀ ସଡ଼କ ଯୋଜନାରେ ସାମିଲ କରି ତୁରନ୍ତ ରାସ୍ତା ନିର୍ମାଣ କରିବାକୁ ଦାବୀ କରିଛନ୍ତି l ସରକାର ତୁରନ୍ତ ଲୋକଙ୍କ ସମସ୍ୟା କୁ ଗୁରୁତ୍ୱ ଦେଇ ରାସ୍ତା ନିର୍ମାଣ ନ କଲେ ଆଗାମୀ ଦିନରେ ଆନ୍ଦୋଳନ ଚେତାବନୀ ଦେଇଛନ୍ତି ଜାର୍ଗୀ ପଡା ଅଞ୍ଚଳ ର ୭ ରୁ ଉର୍ଦ୍ଧ ଗ୍ରାମବାସୀ।