ଭୁବନେଶ୍ୱର, ୧୩/୧୦: ଆଉ କିଛି ଦିନ ପରେ ଆରମ୍ଭ ହେବ କାର୍ତ୍ତିକ ମାସ । ଏନେଇ ବହୁ ସଂଖ୍ୟାରେ ପଞ୍ଜିକରଣକ ମଧ୍ୟ କରାଯାଇଛି । ତେବେ ଏହାରି ମଧ୍ୟରେ ଆଇନ ମନ୍ତ୍ରୀ ହବିଷ୍ୟାଳିଙ୍କୁ ନେଇ ବଡ ପ୍ରତିକ୍ରିୟା ରଖିଛନ୍ତି । ହବିଷ୍ୟାଳିଙ୍କ ପାଇଁ ସବୁ ପ୍ରକାର ବ୍ୟବସ୍ଥା କରାଯାଇଥିବା କହିଛନ୍ତି ଆଇନ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ । ଶ୍ରୀମନ୍ଦିର ମୁଖ୍ୟ ପ୍ରଶାସକ, ପୁରୀ ଜିଲ୍ଲାପାଳ ଓ ବରିଷ୍ଠ ଅଧିକାରୀ ସମସ୍ତ ସୁରକ୍ଷା ବ୍ୟବସ୍ଥାର ସମୀକ୍ଷା କରିଛନ୍ତି । ହବିଷ୍ୟାଳିଙ୍କର ଯେପରି କୌଣସି ଅସୁବିଧା ନହୁଏ , ସେଥିପାଇଁ ଏହାର ଦାୟିତ୍ୱ ସରକାର ନେଇଛନ୍ତି । ଯଦି କାହାର କୌଣସି ସମସ୍ୟା ହୁଏ, ତେବେ ତାହା ଯଥା ସମ୍ଭବ ସମାଧାନ କରାଯିବ । 

ସେହିପରି ଆଇନ ମନ୍ତ୍ରୀ କହିଛନ୍ତି କାର୍ତ୍ତିକ ମାସ ପରେ ମାର୍ଗଶୀର ମାସରୁ ଶୃଙ୍ଖଳିତ ଦର୍ଶନ ଆରମ୍ଭ ହେବ । ସାତ ପାହାଚ ଦେଇ ମନ୍ଦିର ଭିତରକୁ ଯିବେ ଭକ୍ତ । ଦର୍ଶନ ପରେ ଘଣ୍ଟି ଦ୍ବାର ଦେଇ ପ୍ରସ୍ଥାନ କରିବେ । ଭକ୍ତମାନେ କିପରି ଶୃଙ୍ଖଳିତ ଭାବରେ ମହାପ୍ରଭୁଙ୍କୁ ଦର୍ଶନ କରିପାରିବେ ସେ ନେଇ ଯୋଜନା କରାଯାଉଥିବା ନେଇ ଆଇନ ମନ୍ତ୍ରୀ ସୂଚନା ଦେଇଛନ୍ତି ।