ନୂଆଦିଲ୍ଲୀ : ଦିଲ୍ଲୀ ବିଧାନସଭା ନିର୍ବାଚନରେ ବିଜେପି ଦମଦାର ବିଜୟ ହାସଲ କରିଛି। ଆମ୍ ଆଦମୀ ପାର୍ଟିକୁ ଲାଗିଛି ଶକ୍ତ ଝଟକା। ସେପଟେ କଂଗ୍ରେସ ନିଜର ହରାଇ ଥିବା ସ୍ଥାନକୁ ପାଇବାରେ ସଂପୂର୍ଣ୍ଣ ରୂପେ ବିଫଳ ରହିଛି। ଦେଶର ରାଜଧାନୀ ଦିଲ୍ଲୀରେ କ୍ଷମତା ପରିବର୍ତ୍ତନ ମଧ୍ୟରେ ଦିଲ୍ଲୀ ସରକାରର ସାଧାରଣ ପ୍ରଶାସନ ବିଭାଗ (ଜିଏଡି) ଶନିବାର ଏକ ଆଦେଶରେ କହିଛି କି, ରେକର୍ଡର ସୁରକ୍ଷା ସୁନିଶ୍ଚିତ କରିବାକୁ ତାଙ୍କର ପୂର୍ବ ଅନୁମତି ବିନା କୌଣସି ବି ଫାଇଲ , କାଗଜପତ୍ର ବା କମ୍ପ୍ୟୁଟର ଦିଲ୍ଲୀ ସଚିବାଳୟରୁ ବାହାରକୁ ନିଆଯାଇ ପାରିବ ନାହିଁ।
ଦିଲ୍ଲୀର ଉପରାଜ୍ୟପାଳ ଭିକେ ସକ୍ସେନାଙ୍କର ନିର୍ଦ୍ଦେଶରେ, ସାଧାରଣ ପ୍ରଶାସନ ବିଭାଗ (ଜିଏଡି) ଏକ ଆଦେଶ ଜାରି କରି ସବୁ ବିଭାଗ, ଏଜେନ୍ସି ଓ ମନ୍ତ୍ରିପରିଷଦର କ୍ୟାମ୍ପ କାର୍ଯ୍ୟାଳୟକୁ ବିଭାଗର ପୂର୍ବରୁ ଅନୁମତି ବିନା କୌଣସି ବି ରେକର୍ଡ ବା ଫାଇଲକୁ ନହଟେଇବାକୁ ନିର୍ଦ୍ଦେଶ ଦେଇଛି। ବିଜେପି ୨୬ ବର୍ଷରୁ ଅଧିକ ସମୟ ପରେ ଦିଲ୍ଲୀର କ୍ଷମତାକୁ ଫେରିବା ପାଇଁ ସଂପୂର୍ଣ୍ଣ ପ୍ରସ୍ତୁତ ଅଛି। ପିଏମ୍ ମୋଦି ଦିଲ୍ଲୀର ବିଜୟ ପାଇଁ ବିଜେପି କାର୍ଯ୍ୟକର୍ତ୍ତାଙ୍କୁ ଶୁଭେଚ୍ଛା ଦେଇଛନ୍ତି। ଏହାସହ କାର୍ଯ୍ୟକର୍ତ୍ତାମାନେ ପିଏମ୍ ମୋଦିଙ୍କର ଜୋରଦାର ସ୍ୱାଗତ କରିଛନ୍ତି।
ବିଭିନ୍ନ ବିଭାଗର ପ୍ରମୁଖ ଓ ପ୍ରଭାରୀଙ୍କୁ ଜାରି ଜିଏଡିର ଆଦେଶରେ କୁହାଯାଇଛି କି ,କୌଣସି ବି ଫାଇଲ, କାଗଜପତ୍ର , କମ୍ପ୍ୟୁଟର ହାର୍ଡୱେୟାର ଆଦିକୁ ପୂର୍ବର ବିନା ଅନୁମତିର ଦିଲ୍ଲୀ ସଚିବାଳୟ ପରିସରରୁ ବାହାରକୁ ନିଆ ଯାଇ ପାରିବ ନାହିଁ।
ଆଦେଶରେ କୁହାଯାଇଛି , ଏହି ନିର୍ଦ୍ଦେଶିତ କରାଯାଏ କି, ଦିଲ୍ଲୀ ସଚିବାଳୟରେ ଥିବା ବିଭାଗ ଓ କାର୍ଯ୍ୟାଳୟ ଗୁଡ଼ିକର ଶାଖା ପ୍ରଭାରୀଙ୍କୁ ତାଙ୍କ ଅନୁଭାଗ ଓ ଶାଖା ଗୁଡ଼ିକର ଅନ୍ତର୍ଗତ ରେକର୍ଡ , ଫାଇଲ୍ , କାଗଜପତ୍ର , ଇଲେକ୍ଟ୍ରୋନିକ ଫାଇଲ ଆଦିର ସୁରକ୍ଷା ସୁନିଶ୍ଚିତ କରିବାକୁ ଆବଶ୍ୟକ ନିର୍ଦ୍ଦେଶ ଜାରି କରାଯାଇ ପାରେ।
