ନୂଆଦିଲ୍ଲୀ,୧୦/୧୨: ଅଡୁଆରେ ବଲିଉଡର ବରିଷ୍ଠ ଅଭିନେତା ଧର୍ମେନ୍ଦ୍ର । ଠକେଇ ମାମଲାରେ ଧର୍ମେନ୍ଦ୍ରଙ୍କୁ ସମନ ଜାରି କରିଛନ୍ତି ଦିଲ୍ଲୀ କୋର୍ଟ । ଗରମ ଧରମ ଢାବା ସହିତ ଏକ ଠକେଇ ମାମଲାରେ ଧର୍ମେନ୍ଦ୍ରଙ୍କ ସମେତ ଅନ୍ୟ ଦୁଇଜଣଙ୍କୁ ସମନ ଜାରି ହୋଇଛି । ଜଣେ ବ୍ୟବସାୟୀଙ୍କ ଅଭିଯୋଗ ପରେ ସମନ ହୋଇଛି ।
ଦିଲ୍ଲୀ ପଟିଆଲା ହାଉସ କୋର୍ଟ 'ଗରମ ଧରମ ଢାବା' ଫ୍ରାଞ୍ଚାଇଜ ସହ ଜଡିତ ଏକ ଠକେଇ ମାମଲାରେ ବଲିଉଡର ବରିଷ୍ଠ ଅଭିନେତା ଧର୍ମେନ୍ଦ୍ରଙ୍କୁ ସମନ ଜାରି କରିଛି । ମ୍ୟାଜିଷ୍ଟ୍ରେଟ ୟଶଦୀବ ଚହଲଙ୍କ ଦ୍ବାରା ସମନ ଦିଲ୍ଲୀର ବ୍ୟବସାୟୀ ସୁଶୀଲ କୁମାରଙ୍କ ଅଭିଯୋଗ ପରେ ଜାରି ହୋଇଛି । ଫ୍ରାଞ୍ଚାଇଜରେ ନିବେଶ କରିବା ଲାଗି ଲାଞ୍ଚ ଦିଆଯାଇଥିବା ସୁଶୀଲ ଅଭିଯୋଗ କରିଛନ୍ତି । କୋର୍ଟ କହିଛନ୍ତି ସିରିଏଲ ନମ୍ବର ୧ ( ଧର୍ମ ସିଂହ ଦେଓଲ) ୨ରୁ ୩ ଅନ୍ୟ ଅଭିଯୁକ୍ତ ରହିଛନ୍ତି । ଡିସେମ୍ବର ୫ ତାରିଖରେ ଜାରି ହୋଇଥିବା ସମନରେ କୁହାଯାଇଛି ଯେ, ରେକର୍ଡରେ ଥିବା ପ୍ରମାଣରୁ ଜଣାପଡୁଛି ଯେ ଅଭିଯୋଗକାରୀଙ୍କୁ ଅଭିଯୁକ୍ତମାନେ ସେମାନନଙ୍କ ସାଧାରଣ ଉଦ୍ଦେଶ୍ୟକୁ ପୂରଣ କରିବାକୁ ପ୍ରଲୋଭନ ଦେଖାଇଥିଲେ । ତାଙ୍କ ସହ ଠକେଇ କରିଥିବା ଖୁଲାସା ହୋଇଛି ।
ପ୍ରମାଣ ଆଧାରରେ ଅଭିଯୁକ୍ତ ବ୍ୟକ୍ତି ଓ ଅନ୍ୟ ଦୁଇ ଜଣଙ୍କ ବିରୋଧରେ ଧାରା ୪୨୦, ୧୨୦ବି ସହିତ ଧାରା ୩୪ ଆଇପିସି ଆଧାରରେ କୋର୍ଟ କୋର୍ଟ ଦଣ୍ଡ ଶୁଣାଇବେ । ମାମଲାର ପରବର୍ତ୍ତୀ ଶୁଣାଣି ୨୦୨୫ ଫେବୃଆରୀ ୨୦ରେ ହେବ । ଧର୍ମେନ୍ଦ୍ର ଓ ଅନ୍ୟ ଦୁଇଜଣଙ୍କୁ ହାଜର ହେବାକୁ ନିର୍ଦ୍ଦେଶ ହୋଇଛି । ୨୦୨୦ର ମାମଲା ରୁଜୁ କରିବାକୁ ହୋଇଥିବା ଅବେଦନକୁ ଖାରଜ କରିଥିଲେ ।
କଣ ପୁରା ମାମଲା- ଅଭିଯୋଗକାରୀ ସୁଶୀଲ କୁମାରଙ୍କ ଅଭିଯୋଗ କ୍ରମେ ୨୦୧୮ ମସିହାରେ ଏନଏଚ-୨୪ ଓ ଏନଏଚ-୯ରେ ଗରମ ଧର୍ମ ଢାବାର ଫ୍ରାଞ୍ଚାଇଜ ଖେଲିବାକୁ ଚାହୁଁଥିଲେ । ଫ୍ରାଞ୍ଚାଇଜରେ ନିବେଶ କରିବାକୁ ସୁଶୀଲଙ୍କୁ ଲାଞ୍ଚ ଦିଆଯାଇଥିଲା । ୭ ପ୍ରତିଶତ ବଦଳରେ ୪୧ ଲକ୍ଷ ଟଙ୍କା ନିବେଶ କରିବାକୁ ହେବ ବୋଲି ଅଭିଯୋଗାରୀଙ୍କୁ ପ୍ରତିଶ୍ରୁତି ମିଳିଥିଲା । ୟୁପିରେ ଫ୍ରାଞ୍ଚଇଜ ଖୋଲିବାକୁ ସମସ୍ତ ସହାୟତା ଦିଆଯିବ ବୋଲି କୁହାଯାଇଥିଲା ।
