ନୂଆଦିଲ୍ଲୀ,୧୨ /୦୨: 'ପରୀକ୍ଷା ପେ ଚର୍ଚ୍ଚା' ଅଷ୍ଟମ ସଂସ୍କରଣରେ ପିଲାଙ୍କୁ ଟିପ୍ସ ଦେଇଛନ୍ତି ବଲିଉଡ ଅଭିନେତ୍ରୀ ଦୀପିକା ପାଦୁକୋନ୍ । ଛାତ୍ରଛାତ୍ରୀଙ୍କ ସହ କଥା ହୋଇ ପାଠପଢାରେ କେମିତି ଫୋକସ କରିବେ ? କିପରି ଚାପମୁକ୍ତ ରହିବେ ସେ ନେଇ ଟିପ୍ସ ଦେଇଛନ୍ତି । ଏହା ସହ ପରୀକ୍ଷାରେ ସଫଳ ହେବାର ସରଳ ସୂତ୍ର ବତାଇ ପିଲାଙ୍କ ମନୋବଳ ବଢାଇଛନ୍ତି ଅଭିନେତ୍ରୀ ଦୀପିକା ପାଦୁକୋନ୍ । ଏହା ସହିତ ପିଲାଙ୍କ ସହ ନିଜ ଜୀବନ ଯାତ୍ରାର ଅଭିଜ୍ଞତା ବାଣ୍ଟିଛନ୍ତି ।
ପରୀକ୍ଷାରେ ଅଧିକ ମାର୍କ ଆଣିବାକୁ ଶିକ୍ଷକ ଓ ଅଭିଭାବକ ଆମ ଉପରେ ଅଧିକ ଚାପ ପକାଉଛନ୍ତି ଏହାକୁ ସାମ୍ନା କରିବାକୁ ଆମକୁ କଣ କରିବାକୁ ହେବ ଜଣେ ଛାତ୍ରୀଙ୍କ ପ୍ରଶ୍ନରେ ଦୀପିକା କହିଛନ୍ତି, ତୁମେ ସେହି ଜିନିଷରେ ଫୋକସ କର ଯାହାକୁ ତୁମେ ନିୟନ୍ତ୍ରଣ କରିପାରିବ । ଏ ନେଇ ପ୍ରସ୍ତୁତ ଅଛ ନା ନାହିଁ ପ୍ରଥମେ ନିଶ୍ଚିନ୍ତ ହୁଅ । ବାପାମାଆ ଓ ଶିକ୍ଷକଙ୍କ ସହ କଥା ହୁଅ । ପ୍ରଥମେ ତୁମ ଚିନ୍ତାର କାରଣକୁ ଚିହ୍ନ । ତୁମ ବିଶ୍ବାସର ଲୋକଙ୍କ ସହ ତାହାକୁ ସେୟାର କର । ବିଶେଷ କରି ଅଭିଭାବକ ସେମାନଙ୍କ ପିଲାଙ୍କ ଦକ୍ଷତାକୁ ଚିହ୍ନନ୍ତୁ ।
ମାନସିକ ସୁସ୍ଥତା ନେଇ ପରୀକ୍ଷାର୍ଥୀଙ୍କୁ ଟିପ୍ସ ଦେଇ ଦୀପିକା କହିଛନ୍ତି, ଶୋଇବା ଉପରେ ଫୋକସ କର । ପର୍ଯ୍ୟାପ୍ତ ନିଦ୍ରା, ବ୍ୟାୟାମ କରନ୍ତୁ । ବାହାରକୁ ବୁଲିବାକୁ ଯାଆନ୍ତୁ । ଏହା ମାନସିକ ଶାନ୍ତି ଦେବ ।
#WATCH | 'Pariksha Pe Charcha' | Actress Deepika Padukone interacts with students.
— ANI (@ANI) February 12, 2025
While speaking with the students, Deepika Padukone says, "... Focus on the things that you can control... You can control whether you are prepared or not. To manage stress, talk to your parents… pic.twitter.com/tVdMuT53B9
ନିଜ ଜୀବନ ଯାତ୍ରାର ଅଭିଜ୍ଞତା ବାଣ୍ଟି ଦୀପିକା କହିଛନ୍ତି, ମୁଁ ପିଲାଦିନେ ବହୁତ ଦୁଷ୍ଟ ଥିଲି । ପାଠ ଅପେକ୍ଷା ଅନ୍ୟାନ ଜିନିଷରେ ଅଧିକ ଧ୍ୟାନ ଦେଉଥିଲି । ମାତ୍ର ଗୋଟିଏ ସମୟରେ ଜାଣିବାକୁ ପାଇଲି ଜୀବନରେ ମାର୍କ ସବୁ କିଛି ନୁହେଁ । ମୁଁ ଲକି ଯେ ଅଧିକ ମାର୍କ ଆଣିବାକୁ ମୋ ଅଭିଭାବକ କେବେ ଚାପ ପକାଇନାହାନ୍ତି । ମୋର ଗଣିତ ହୁଏ ନାହିଁ । ଗଣିତରେ ଦୁର୍ବଳ ଥିଲି ତେଣୁ ପରୀକ୍ଷା ପୂର୍ବଦିନ ଚାପରେ ଥାଏ । ଚାପ ରହିବା ସ୍ବାଭାବିକ ଏହା ଜୀବନର ଏକ ଅଂଶ । ତେଣୁ ପରୀକ୍ଷା ହେଉ କି ପ୍ରସ୍ତୁତି ସବୁଥିବେ ଧୌର୍ଯ୍ୟ ରହିବା ଦରକାର ।
#WATCH | 'Pariksha Pe Charcha' | Actress Deepika Padukone interacts with students.
— ANI (@ANI) February 12, 2025
While speaking with the students, Deepika Padukone says, "... I was a very naughty child. I was always interested in extra-curricular activities... I used to get very excited for fashion, dance… pic.twitter.com/scncgFdb5I
ଏହା ବି ପଢନ୍ତୁ...‘ପରୀକ୍ଷା ପେ ଚର୍ଚ୍ଚା’ରେ ପିଏମ୍ ମୋଦିଙ୍କ ଟିପ୍ସ : 'ଭରପୁର ଶୁଅନ୍ତୁ, ଚାଷୀଙ୍କ ଡାଏଟ୍ ଆପଣାନ୍ତୁ'
କହି ରଖୁଛୁ କି, ଗତ ୧୦ ତାରିଖରେ ପରୀକ୍ଷା ପେ ଚର୍ଚ୍ଚାର ପ୍ରଥମ ଏସିସୋଡ୍ ପ୍ରସାରିତ ହୋଇଥିଲା । ଯେଉଁଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପରୀକ୍ଷାର୍ଥୀଙ୍କୁ ସଫଳତାର ଟିପ୍ସ ଦେଇଥିଲେ ।
