କାମାକ୍ଷାନଗର, ୨୩/୧୨: ପରଜଙ୍ଗ ରେଳ ଷ୍ଟେସନ ନିକଟରେ ଟ୍ରେନ୍ରେ କଟି ଜଣେ ଯୁବକଙ୍କର ମୃତ୍ୟୁ ହୋଇଛି । ମୃତ ଯୁବକ ଜଣଙ୍କ ହେଲେ ପରଜଙ୍ଗ ଥାନା ଡିହଡୋଳ ଗ୍ରାମର ଟୁକୁନ ସାହୁ । ଯୁବକଙ୍କ ମୃତ୍ୟୁର କାରଣ ଅସ୍ପଷ୍ଟ ରହିଛି । ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ଅନ୍ତର୍ଗତ ଅନୁଗୁଳ-ଡୁବୁରୀ ନୂତନ ରେଳପଥର ପରଜଙ୍ଗ ରେଳ ଷ୍ଟେସନ ନିକଟରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ, ଡିହଡୋଳ ଗ୍ରାମର ଟୁକୁନ ନାମକ ଯୁବକ ରବିବାର ସନ୍ଧ୍ୟାରେ ଘରୁ ମାର୍କେଟ ଯିବା କହି ଆଉ ଘରକୁ ଫେରିନଥିଲେ । ସୋମବାର ତାଙ୍କ ମୃତଦେହ ଟ୍ରେନ ଲାଇନରେ ପଡ଼ିଥିବା ସ୍ଥାନୀୟଲୋକେ ଦେଖିଥିଲେ । ଏହା ଦେଖି ଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ପରଜଙ୍ଗ ପୋଲିସ ପହଞ୍ଚି ମୃତଦେହ ଜବତ କରିବା ସହ ଘଟଣାର ତଦନ୍ତ ଚଳାଇଛି ।
