ଢେଙ୍କାନାଳ, ୧୯।୧୨ : ସ୍କୁଲ ପଛ ପଟରୁ ୱାଚମ୍ୟାନର ମୃତଦେହ ଉଦ୍ଧାର । ଗଛରେ ନିଜ ଗାମୁଛା ବେକରେ ରସି ଲାଗିଥିବା ଅବସ୍ଥା ରେ ମୃତ ଦେହ ଠାବ ହୋଇଛି। ତେବେ ପାରିପାର୍ଶ୍ବିକ ସ୍ଥିତି କୁ ନେଇ ମୃତକ ପରିବାର ହତ୍ୟା ଅଭିଯୋଗ ଆଣିଛି। ଢେଙ୍କାନାଳ ସଦର ଥାନା ଅନ୍ତର୍ଗତ କାଇମାଟି ହାଇସ୍କୁଲ ର ଏପରି ଅଭାବନୀୟ ଘଟଣାକୁ ନେଇ ହତ୍ୟା ସନ୍ଦେହ କରାଯାଇଛି। ମୃତ ଯୁବକ ଜଣଙ୍କ କାଇମାଟି ଜୁଆଙ୍ଗ ସାହିର ସନ୍ତୋଷ ପ୍ରଧାନ ବୋଲି ଜଣାପଡିଛି।
ସନ୍ତୋଷ କାଇମାଟି ସ୍କୁଲରେ ୱାଚ ମ୍ୟାନ ଭାବେ କାମ କରନ୍ତି। ବୁଧବାର ଠାରୁ ସ୍କୁଲକୁ ଯାଇ ଆଉ ରାତିରେ ଘରକୁ ଫେରିନଥିଲେ । ଫଳରେ ରେ ପରିବାର ପକ୍ଷରୁ ଖୋଜା ଖୋଜି କରୁଥିଲେ। ତେବେ ଗୁରୁବାର ଅପରାହ୍ନରେ ସ୍କୁଲ ପଛ କାଜୁ ଜଙ୍ଗଲରୁ ସନ୍ତୋଷଙ୍କ ନିଜ ଗାମୁଛା ବେକରେ ଲାଗି ଝୁଲନ୍ତା ଅବସ୍ଥାରେ ମୃତଦେହ ଠାବ କରାଯାଇଛି। ତାଙ୍କୁ ହତ୍ୟା କରାଯାଇଛି ବୋଲି ପରିବାର ଲୋକ ଅଭିଯୋଗ କରିଛନ୍ତି। ଖବର ପାଇ ସଦର ଥାନା ପୁଲିସ ମୃତଦେହ ଜବତ କରି ବ୍ୟବଛେଦ ପାଇଁ ପଠାଇ ତଦନ୍ତ ଆରମ୍ଭ କରିଛି।
