କାମାକ୍ଷାନଗର, ୦୨/୧୨: ବିଳମ୍ବିତ ରାତିରେ ଟାଙ୍ଗିଆରେ ହାଣି ସ୍ତ୍ରୀକୁ ହତ୍ୟା କଲା ପାଗଳ ସ୍ୱାମୀ। ମୃତକ ମଝିକା ଗାଁର ଝୁମୁରି ଦେହୁରୀ ବୋଲି ଜଣାପଡ଼ିଛି । ଏହି ହତ୍ୟାକାଣ୍ଡର କାରଣ ଅସ୍ପଷ୍ଟ ଥିବା ବେଳେ ଢେଙ୍କାନାଳ ଜିଲ୍ଲା ମହାବିରୋଡ଼ ଥାନା ମଝିକା ଗାଁରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ତିନି ଦିନ ହେବ ସ୍ୱାମୀ ଜଗା ଦେହୁରୀଙ୍କର ପାଗଳାମି ବାହାରିଥିଲା । ଏନେଇ ତାଙ୍କ ଜଗାଙ୍କ ବାପା ପ୍ରକାଶ କରିଛନ୍ତି । ତେବେ ରବିବାର ବିଳମ୍ୱିତ ରାତିରେ ଜଗା ତାଙ୍କ ସ୍ତ୍ରୀ ଝୁମୁରିଙ୍କୁ ଏକ ଟାଙ୍ଗିଆରେ ହାଣି ହତ୍ୟା କରିଥିଲା । ପରେ ଭୋର ସମୟରେ ଅଭିଯୁକ୍ତ ଜଗା ମୃତ ସ୍ତ୍ରୀକୁ ନେଇ ଘର ପଛ ପଟେ ଥିବା ଶ୍ମଶାନକୁ ନେଇଥିଲା । ଏହା ଦେଖି ସ୍ଥାନୀୟଲୋକେ ଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଅଭିଯୁକ୍ତ ସ୍ୱାମୀ ଶ୍ମଶାନରେ ଗାତ ଖୋଳି ସ୍ତ୍ରୀର ମୃତଦେହ ପୋତିବା ଦେବାକୁ ଯାଉଥିବା ବେଳେ ମାଡି ବସିଥିଲା ମହାବିରୋଡ଼ ପୋଲିସ । ଏହା ସହ ହତ୍ୟାରେ ବ୍ୟବହୃତ ଟାଙ୍ଗିଆକୁ ମଧ୍ୟ ଜବତ କରିଛି ପୋଲିସ । ପରେ ଘଟଣାସ୍ଥଳରେ ଏକ ସାଇଣ୍ଟିଫିକ୍ ଟିମ୍ ପହଞ୍ଚି ତନାଘନା ଆରମ୍ଭ କରିଛି । ସେପଟେ ହତ୍ୟାକାଣ୍ଡକୁ ନେଇ ଗାଁରେ ଆତଙ୍କ ସୃଷ୍ଟି ହୋଇଥିବା ଜଣାପଡିଛି ।
