ନୂଆଦିଲ୍ଲୀ,୨୭/୧୧: ବାତ୍ୟାକୁ ନେଇ ଆସିଲା ବଡ ଅପଡେଟ୍ । ଆଜି ବଙ୍ଗୋପସାଗରରେ ବାତ୍ୟାର ରୂପ ନେବ ଗଭୀର ଅବପାତ । ବାତ୍ୟାରେ ପରିଣତ ହେଲେ ଏହା ନାଁ ପେଙ୍ଗଲ ରଖାଯିବ । ଗଭୀର ଅବପାତଟି ବାତ୍ୟାର ରୂପ ନେଲେ ତାମିଲନାଡୁ ଉପକୂଳ ମୁହାଁ ହେବ ବୋଲି ଭାରତୀୟ ପାଣିପାଗ ବିଭାଗ ପକ୍ଷରୁ ସୂଚନା ମିଳିଛି । 

ଶକ୍ତିଶାଳୀ ହେବା ନାହିଁ ବାତ୍ୟା । ଅତୀ  ଭୀଷଣ ବାତ୍ୟାର ରୂପ ନେବ ନାହିଁ । ଗଭୀର ଅବପାତଟି ଆଜି ଉତ୍ତର -ପଶ୍ଚିମ ଦିଗରେ ଗତି କରି ବାତ୍ୟାରେ ପରିଣତ ହେବ ।  ଏହା ପରେ ଶ୍ରୀଲଙ୍କା ଉପକୂଳ ଅତିକ୍ରମ କରି ତାମିଲନାଡୁ ଉପକୂଳ ଆଡକୁ ମୁହାଁଇବ । ୨୯ ତାରିଖ ମଧ୍ୟରେ ଉତ୍ତର-ଉତ୍ତର ପଶ୍ଚିମ ଦିଗରେ ଗତି କରି ସ୍ଥଳଭାଗ ଛୁଇଁବ । ତାମିଲନାଡୁ  ଓ  ଶ୍ରୀଲଙ୍କା ମଧ୍ୟରେ ଲ୍ୟାଣ୍ଡଫଲ କରିପାରେ ବାତ୍ୟା । ଏ ନେଇ ଭାରତୀୟ ପାଣିପାଗ ବିଭାଗ  ପୂର୍ବାନୁମାନ କରିଛି ।

ଏହାକୁ ଦୃଷ୍ଟିରେ ରଖି ତାମିଲନାଡୁ ଏବଂ ଆନ୍ଧ୍ରପ୍ରଦେଶ ଉପକୂଳ ଅଞ୍ଚଳବାସୀଙ୍କୁ ସତର୍କ ସୂଚନା ଜାରି କରାଯାଇଛି । ଉପକୂଳ ତାମିଲନାଡୁରେ ଏବେଠୁ ଏହାର ପ୍ରଭାବ ଦେଖିବାକୁ ମିଳିଛି । ନାଗପାଟିନମ ଓ ଅନ୍ୟ ଅଞ୍ଚଳରେ ଉଚ୍ଚ ଜୁଆର ଦେଖିବାକୁ ମିଳିଛି । ମତ୍ସଜୀବୀଙ୍କୁ ସମୁଦ୍ର ଯିବାକୁ ବାରଣ କରାଯାଇଛି ।  ବଡ କଥା ହେଉଛି ଓଡିଶା ଉପରେ ସମ୍ଭାବ୍ୟ ବାତ୍ୟା ପେଙ୍ଗାଲ କୌଣସି ପ୍ରଭାବ ପଡିବ ନାହିଁ।

ତାମିଲନାଡୁକୁ ହାଇ ଆଲର୍ଟ- ଆଇଏମଡି ପୂର୍ବାନୁମାନ ଅନୁସାରେ ଆଜି ତାମିଲନାଡୁରେ ପ୍ରବଳ ବର୍ଷା ହେବାର ସମ୍ଭାବନା ରହିଛି । ତେଣୁ ରାଜ୍ୟରୁ ସତର୍କ କରାଯାଇଛି । ରାଜ୍ୟରେ ବର୍ଷା କାରଣରୁ ସ୍କୁଲ କଲେଜ ବନ୍ଦ ରହିଛି । ଆଗକୁ ବର୍ଷାର ପରିମାଣ ବଢିପାରେ । ପବନର ବେଗ ମଧ୍ୟ ବଢିବ । ତିରୁଚିରାପଲ୍ଲି ଜିଲ୍ଲାର ସମସ୍ତ ସ୍କୁଲ କଲେଜ ବନ୍ଦ ହୋଇଛି ।