ଜଳେଶ୍ୱର,୨୫/୧୦: ମଧ୍ୟରାତ୍ରରେ ଲ୍ୟାଣ୍ଡଫଲ୍ କଲା ‘ଦାନା’ । ରାତି ୧୨ଟା ୫ରେ ଲ୍ୟାଣ୍ଡଫଲ୍ କରିଲା ‘ଦାନା’ । ଭିତରକନିକା ହବାଳିଖଟିରେ ଛୁଇଁଲା ସ୍ଥଳଭାଗ । ବାତ୍ୟା ‘ଦାନା’ ଲ୍ୟାଣ୍ଡ ଫଲ୍ କରିବାର ସମୟ ଯେତେ ଅତିକ୍ରମ କରୁଛି ବାଲେଶ୍ୱର ଜିଲ୍ଲା ବାଲିଆପାଳ ଅଞ୍ଚଳରେ ଏହାର ପ୍ରଭାବ ସେତେ ଦେଖିବାକୁ ମିଳୁଛି । ଡଗରା ଠାରେ ସମୁଦ୍ର ଅଶାନ୍ତ ହୋଇ ପଡିଛି । ଭୟଙ୍କର ଗର୍ଜନ କରି ସମୁଦ୍ର କୂଳକୁ ମାଡି ଆସୁଛି । ସମୁଦ୍ରରେ ଉଚ୍ଚ ଜୁଆର ଦେଖିବାକୁ ମିଳିଛି । ଏହା ସହ ତୁହାକୁ ତୁହା ଝିପି ଝିପି ବର୍ଷା ଲାଗି ରହିଛି । ଖୁବ୍ ଜୋରରେ ପବନ ବହିବାକୁ ଲାଗିଛି ।
ସିଭିୟର ସାଇକ୍ଲୋନିକ୍ ଷ୍ଟ୍ରର୍ମ “ଦାନା” ଉତ୍ତର-ଉତ୍ତର-ପଶ୍ଚିମ ଦିଗରେ ଏବଂ ଉତ୍ତର ଓଡ଼ିଶା ଉପକୂଳକୁ ହବାଳିଖଟି ନେଚର କ୍ୟାମ୍ପ (ଭିତରକନିକା) ଏବଂ ଧାମରା ନିକଟ ଦେଇ ରାତି ୧ଟା ୩୦ ମିନିଟରୁ ଭୋର ୩.୩୦ ମିନିଟ୍ ମଧ୍ୟରେ ଅତିକ୍ରମ କରିଛି । ଏହି ସମୟରେ ପବନର ବେଗ ଘଣ୍ଟା ପ୍ରତି ୧୦୦ରୁ ୧୧୦ କିଲୋମିଟର ଏବଂ ଝଟକା ପବନ ୧୨୦ କିଲୋମିଟର ରହିଥିଲା ।