ନୀଳଗିରି,୧୯/୧୦(ଆ.ପ୍ର):ନୀଳଗିରି ବ୍ଲକ ପୁନଦାଳ ମାଟିର ସନ୍ତାନ ସୌରଭ ରଞ୍ଜିତ ଓଏଏସ ପରୀକ୍ଷାରେ ସଫଳ ହୋଇ ଅଞ୍ଚଳ ପାଇଁ ଗର୍ବ ଓ ଗୌରବ ଆଣିଛନ୍ତି। ସେ ଓଏଏସ ପରୀକ୍ଷାରେ ରାଙ୍କ ୮୬ ରଖିଛନ୍ତି। ଓଏଏସ ପରୀକ୍ଷା ଫଳାଫଳ ପ୍ରକାଶ ପରେ ଗାଁରେ ଖୁସିର ଲହରୀ ଖେଳି ଯାଇଛି।
ନୀଳଗିରି ବ୍ଲକ ରାଧାକିଶୋରପୁର ପଞ୍ଚାୟତ ରତ୍ନାକର ରଞ୍ଜିତ ଓ ସାରବଣିଙ୍କ ପୁତ୍ର ହେଉଛନ୍ତି ସୌରଭ ରଞ୍ଜିତ । ପୁନଦାଳ ହାଇସ୍କୁଲରେ ସୌରଭ ପାଠପଢି ଉତ୍ତୀର୍ଣ୍ଣ ହେବା ପରେ ଫକୀର ମୋହନ ଅଟୋନମସ କଲେଜରେ ପଢିଥିଲେ। ସେଠାରୁ ଗ୍ରାଜୁଏସନ ପରେ ନୂଆଦିଲ୍ଲୀ ଜେଏନୟୁରେ ପିଜି କରିଥିଲେ। ପିଲାଟି ଦିନରୁ ପ୍ରଶାସକ ହୋଇ ସାଧାରଣ ଲୋକଙ୍କୁ ସେବା ଯୋଗାଇବା ସ୍ୱପ୍ନ ଆଜି ପୂରଣ ହୋଇଛି। ଏଭଳି ସଫଳତାର ଶ୍ରେୟ ସେ ତାଙ୍କ ବାପା ମାଆଙ୍କୁ ଦେଇଛନ୍ତି।