କଟକ୦୫/୦୬: ବର୍ଷା ଦିନକୁ ଦୃଷ୍ଟିରେ ରଖି ଡ୍ରେନ ସଫେଇ ପାଇଁ କଟକ ନୂଆବଜାର ଅଞ୍ଚଳରେ ଥିବା ଜବରଦଖଲକୁ ଉଚ୍ଛେଦ କରିଛି କଟକ ମହାନଗର ନିଗମ। ଏନଫର୍ସମେଣ୍ଟ ଟିମ୍ ଦ୍ଵାରା ଆଜି ଅପରାହ୍ନରେ ପୋତାପୋଖରି କୁଷ୍ଠାଶ୍ରମରୁ ନୁଆବଜାର ବ୍ରିଜ ପର୍ୟ୍ୟନ୍ତ ଡ୍ରେନ ଓ ଫୁଟଫାଥ ଉପରେ ଥିବା ଜବରଦଖଲ ଉଚ୍ଛେଦ ହୋଇଛି। ଏଥିରେ ବେଆଇନ୍ ଭାବେ ନିର୍ମାଣ ହୋଇଥିବା ୧୦ରୁ ଅଧିକ ଦୋକାନ ଭଙ୍ଗା ଯାଇଛି। ତେବେ ଉଚ୍ଛେଦ ବେଳେ ସାମାନ୍ୟ ଉତ୍ତେଜନା ପ୍ରକାଶ ପାଇଥିଲା। ପୁଲିସ ଫୋର୍ସ ସେଠାରେ ପହଞ୍ଚି ସ୍ଥିତି ନିୟନ୍ତ୍ରଣ କରିଥିଲେ। ମାନ୍ୟବର ହାଇକୋର୍ଟଙ୍କ ନିର୍ଦ୍ଦେଶକ୍ରମେ କଟକ ସହରରେ ଥିବା ଡ୍ରେନ ସଫେଇ କରାଯାଉଛି। ଏହି ସଫେଇ ପୁର୍ବରୁ ଡ୍ରେନ ଉପରେ ଥିବା ବେଆଇନ ନିର୍ମାଣକୁ ଭଙ୍ଗା ଯାଉଛି। ଏଥିପାଇଁ ଆଗୁଆ ସଚେତନତା ପାଇଁ ମାଇକ ପ୍ରଚାର କରାଯାଉଥିବା କଟକ ମହାନଗର ନିଗମ କମିଶନର ଅନାମ ଚରଣ ପାତ୍ର ସୂଚନା ଦେଇଛନ୍ତି।