ବୟାଳିଶମୌଜା, ୬/୬ : କଟକ ବୟାଳିଶମୌଜା ବେଣ୍ଟକାର ଗ୍ରାମ୍ୟ ବ୍ୟାଙ୍କ ସମ୍ମୁଖରେ ଦୁର୍ଘଟଣା। ଭାରସାମ୍ୟ ହରାଇ ଚା' ଦୋକାନରେ ଧକ୍କା ହେଲା ବାଇକ୍। ଶୁକ୍ରବାର ସକାଳ ସାଢେ ୭ଟାରେ ଏହି ଦୁର୍ଘଟଣା ଘଟିଛି। ବାଇକ୍ ଆରୋହୀ ଏବଂ ଦୋକାନରେ ଚା' ପିଉଥିବା ଜଣେ ଗ୍ରାହକ ଆହତ ହୋଇଛନ୍ତି।
ସୂଚନାନୁଯାୟୀ, ଶୁକ୍ରବାର ସକାଳ ସାଢେ ୭ଟା ବେଳେ କଟକରୁ ଫେରୁଥିବା ଜଣେ ବାଇକ୍ ଚାଳକ ବେଣ୍ଟକାର ଗ୍ରାମ୍ୟ ବ୍ୟାଙ୍କ ସମ୍ମୁଖରେ ଥିବା ଏକ ଚା' ଦୋକାନରେ ଧକ୍କା ହୋଇଥିଲେ। ଏହି ସମୟରେ ଦୋକାନରେ ବସି ଚା' ପିଉଥିବା ଆନନ୍ଦାଳୟର ଜଣେ ସୁରକ୍ଷାକର୍ମୀ ଆହତ ହୋଇଛନ୍ତି। ତାଙ୍କ ହାତ ଏବଂ ଗୋଡରେ ଗଭୀର ଆଘାତ ଲାଗିଛି। ସେହିପରି ବାଇକ୍ ଚାଳକ ମଧ୍ୟ ଗୁରୁତର ହୋଇଛନ୍ତି। ତାଙ୍କ ମୁଣ୍ଡରେ ଆଘାତ ଲାଗିଛି। ଉଭୟଙ୍କୁ ଗୁରୁତର ଅବସ୍ଥାରେ କଟକ ବଡ଼ ଡ଼ାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରାଯାଇଛି।
