ପୁରୀ,୦୫/୦୯: ସମୁଦ୍ର ମଝିରେ ଭାସୁଛି କଣ୍ଟେନର । ଏହି କଣ୍ଟେନରଟିକୁ ପେଣ୍ଠକଟା ଅଞ୍ଚଳରେ ଥିବା ମତ୍ସ୍ୟଜୀବୀମାନେ ଦେଖିବାକୁ ପାଇଥିଲେ । ଉକ୍ତ କଣ୍ଟେନରକୁ କୂଳକୁ ଆଣିବା ପାଇଁ ମତ୍ସ୍ୟଜୀବୀ ଉଦ୍ୟମ କରୁଛନ୍ତି । ପୁରୀ ସଦର ବ୍ଲକ ଅନ୍ତର୍ଗତ ପେଣ୍ଠକଟା ଅଞ୍ଚଳରେ ଏଭଳି ଦୃଶ୍ୟ ଦେଖିବାକୁ ମିଳିଛି । 

ସୂଚନା ଅନୁଯାୟୀ, ଦୁଇ ଦିନ ତଳେ କେନ୍ଦ୍ରାପଡ଼ା ଜିଲ୍ଲା ରାଜନଗର ବ୍ଲକ ସାତଭାୟା ସମୁଦ୍ର କୂଳରେ ଦୁଇଟି ବଡ଼ କଣ୍ଟେନର ସମୁଦ୍ରରେ ଭାସି ଆସି ଥିଲା । ତେବେ ଗୁରୁବାର ପୁରୀ ସମୁଦ୍ର ମଝିରେ ଏକ କଣ୍ଟେନର ଭାସୁଥିବାର ଦେଖିବାକୁ ମିଳିଥିଲା । ପେଣ୍ଠକଟା ଅଞ୍ଚଳରେ ମତ୍ସ୍ୟଜୀବୀ ମାଛ ଧରିବା ପାଇଁ ସମୁଦ୍ର ମଝିକୁ ଯାଇଥିଲେ । ଏହି ସମୟରେ ସମୁଦ୍ର ମଝିରେ ଏକ କଣ୍ଟେନର ଭାସୁଥିବାର ଦେଖିଥିଲେ ମତ୍ସ୍ୟଜୀବୀ । ଉକ୍ତ କଣ୍ଟେନରକୁ କୂଳକୁ ଆଣିବା ପାଇଁ ମତ୍ସ୍ୟଜୀବୀ ଉଦ୍ୟମ କରୁଛନ୍ତି । ତେବେ ଏହି କଣ୍ଟେନର ସମୁଦ୍ର ମଝିରେ କେଉଁଠୁ ଆସିଲା, ତାହାକୁ ନେଇ ପ୍ରଶ୍ନ ଉଠୁଛି ।