ବ୍ରହ୍ମଗିରି,୧୪/୦୯: ଚିଲିକା ମଝିରେ ପୁଣି ଫସିଲା ଯାତ୍ରୀବାହୀ ଘାଟ ଡଙ୍ଗା । ଡଙ୍ଗାରେ ୫୦ ରୁ ଉର୍ଦ୍ଧ୍ବ ଯାତ୍ରୀ ରହିଥିବା ବେଳେ ୧୫ ଟି ବାଇକ୍ ରହିଛି । ଏହି ଡଙ୍ଗା ସକାଳ ୭ଟାରୁ ଜହ୍ନିକୁଦା ଘାଟ ଅଭିମୁଖେ ବାହାରିଥିଲା । କିଛି ବାଟ ଗଲାପରେ ଚିଲିକା ମଝିରେ ମଏଂସା ନିକଟରେ ଡଙ୍ଗାଟି ଫସି ରହିଛି ।
ସୂଚନା ମୁତାବକ, ବିଗତ ଦିନରେ ଏକାଧିକ ଥର ଚିଲିକା ମଝିରେ ଯାତ୍ରୀବାହୀ ଡଙ୍ଗା ଫସିଥିବା ବେଳେ ଶନିବାର ଏହାର ପୁନରାବୃତ୍ତି ହୋଇଛି । ପୁଣି ଥରେ ଚିଲିକା ମଝିରେ ଏକ ଡଙ୍ଗା ଫସି ରହିଛି । ଏହି ଡଙ୍ଗାଟି ଯାତ୍ରୀଙ୍କୁ ନେଇ ସକାଳ ୭ଟାରେ ଜହ୍ନିକୁଦା ଘାଟ ଅଭିମୁଖେ ବାହାରି ଥିଲା । ତେବେ ଯାନ୍ତ୍ରୀକ ତ୍ରୁଟି କାରଣରୁ ଚିଲିକା ମଝିରେ ମଏଂସା ନିକଟରେ ଫସି ରହିଛି ଏହି ଯାତ୍ରୀବାହୀ ଡଙ୍ଗା । ତେବେ ଏହି ଡଙ୍ଗାରେ ଥିବା ଯାତ୍ରୀଙ୍କୁ ଉଦ୍ଧାର କରିବାକୁ ଚିଲିକା ମଝିରେ ଏକ ଡଙ୍ଗା ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛି ।