ଆମ ସମସ୍ତଙ୍କ ମଧ୍ୟରେ ଏକ ସାଧାରଣ ଭୁଲ ଧାରଣା ଅଛି ଯେ, ସନସ୍କ୍ରିନ୍ କର୍କଟ ରୋଗର କାରଣ ହୁଏ। ପ୍ରକୃତରେ, ସନସ୍କ୍ରିନ୍ କ୍ଷତିକାରକ UV କିରଣକୁ ଅବରୋଧ କରି ଚର୍ମ କର୍କଟକୁ ରୋକିଥାଏ। ଯାହା ଚର୍ମ କର୍କଟ ରୋଗର ମୁଖ୍ୟ କାରଣ। ସୂର୍ଯ୍ୟ କିରଣରେ ସନସ୍କ୍ରିନ୍ ଲଗାଇବା ଚର୍ମ ପାଇଁ ବହୁତ ଲାଭଦାୟକ। ତ୍ୱଚାରେ ବ୍ୟବହାର କରିବାକୁ ୩୦ କିମ୍ବା ତା’ଠାରୁ ଅଧିକ SPF ସହିତ ଏକ ବ୍ରାଣ୍ଡ-ସ୍ପେକ୍ଟ୍ରମ୍ ସନସ୍କ୍ରିନ୍ ବାଛନ୍ତୁ। ଏହାକୁ ପ୍ରତିଦିନ ଲଗାଇବା ଦ୍ୱାରା ଚର୍ମକୁ UV କିରଣରୁ ରକ୍ଷା କରାଯାଇପାରିବ। ଯାହା ଚର୍ମ ପାଇଁ ବହୁତ ବିପଦଜନକ ପ୍ରମାଣିତ ହୋଇପାରେ ।
ସନସ୍କ୍ରିନ୍ ଲଗାଇବା କାହିଁକି ଗୁରୁତ୍ୱପୂର୍ଣ୍ଣ?
UV କିରଣ ଏବଂ ଚର୍ମ କର୍କଟ:-
ସୂର୍ଯ୍ୟରୁ ନିର୍ଗତ ଅଲ୍ଟ୍ରାଭାୟୋଲେଟ୍ (UV) କିରଣ ଚର୍ମ କର୍କଟ ରୋଗର ମୁଖ୍ୟ କାରଣ। ଯାହା ମେଲାନୋମା ଏବଂ ନନ-ମେଲାନୋମା ଚର୍ମ କର୍କଟ ରୋଗର କାରଣ ହୁଏ। ଏପରି ପରିସ୍ଥିତିରେ, ସନସ୍କ୍ରିନ୍ ଏକ ସୁରକ୍ଷା ବଳୟ ଭାବରେ କାର୍ଯ୍ୟ କରି କ୍ଷତିକାରକ UV ରଶ୍ମିକୁ ଆପଣଙ୍କ ଚର୍ମରେ ପହଞ୍ଚିବା ଏବଂ କ୍ଷତି କରିବାରୁ ଅଟକାଇଥାଏ । ପ୍ରତିଦିନ ଏବଂ ଉପଯୁକ୍ତ ଭାବରେ ସନସ୍କ୍ରିନ୍ ବ୍ୟବହାର କରିବା ଦ୍ୱାରା ଚର୍ମ କର୍କଟ ରୋଗର ଆଶଙ୍କା ହ୍ରାସ ପାଏ। ଏହାକୁ ବ୍ୟବହାର କରି କର୍କଟ ରୋଗର ବିପଦକୁ ବହୁତ ପରିମାଣରେ ହ୍ରାସ କରାଯାଇପାରିବ।
ଏକ ବ୍ରାଣ୍ଡ-ସ୍ପେକ୍ଟ୍ରମ୍ ସନସ୍କ୍ରିନ୍ ବାଛନ୍ତୁ:-
ଏପରି ଏକ ସନସ୍କ୍ରିନ୍ ବାଛନ୍ତୁ ଯାହା UVA ଏବଂ UVB ଉଭୟ କିରଣରୁ ସୁରକ୍ଷା ଦିଏ। ଯାହାକୁ "ବ୍ରାଣ୍ଡ-ସ୍ପେକ୍ଟ୍ରମ୍" ଭାବରେ ଲେବଲ୍ କରାଯାଇଛି । ଆପଣଙ୍କ ତ୍ୱଚା ଅନୁସାରେ ସଠିକ୍ SPF ବାଛନ୍ତୁ । ୩୦ କିମ୍ବା ତା’ଠାରୁ ଅଧିକ SPF ଥିବା ସନସ୍କ୍ରିନ୍ ବାଛନ୍ତୁ, କାରଣ ତ୍ୱଚା ପାଇଁ ସଠିକ୍ SPF ବାଛିବା ଉଚିତ। ମୁହଁ, ବେକ, କାନ ଏବଂ ହାତ ସମେତ ସମସ୍ତ ସ୍ଥାନରେ ବିଶେଷ କରି ସୂର୍ଯ୍ୟ କିରଣ ସଂସ୍ପର୍ଶରେ ଆସୁଥିବା ସ୍ଥାନରେ ପ୍ରଚୁର ପରିମାଣରେ ସନସ୍କ୍ରିନ୍ ଲଗାନ୍ତୁ । ଯଦି ଆପଣଙ୍କର ଅଧିକ ଝାଳ ବାହାରୁଛି, ତେବେ ପ୍ରତି ଦୁଇ ଘଣ୍ଟାରେ ଥରେ ସନସ୍କ୍ରିନ୍ ଲଗାନ୍ତୁ।
କେବଳ ସନସ୍କ୍ରିନ୍ ଉପରେ ନିର୍ଭର କରନ୍ତୁ ନାହିଁ:-
ସନସ୍କ୍ରିନ୍ ବ୍ୟବହାର କରିବା ବ୍ୟତୀତ, ଆପଣଙ୍କ ତ୍ୱଚାକୁ ସୁରକ୍ଷା ଦେବା ପାଇଁ ଅନ୍ୟ ଜିନିଷ ମଧ୍ୟ ବ୍ୟବହାର କରିବା ଉଚିତ। ଯେପରିକି ଯେତେବେଳେ ଆପଣ ବାହାରକୁ ଯାଉଛନ୍ତି, ଅଧିକ ସମୟ ଖରାରେ ନରହି ଛାଇରେ ରୁହନ୍ତୁ । ନିଜକୁ ସୁରକ୍ଷା ଦେବା ପାଇଁ ସେହି ଅନୁସାରେ ଅର୍ଥାତ ହାଲୁକା ରଙ୍ଗର ଏବଂ ସମ୍ପୂର୍ଣ୍ଣ ଭାବରେ ଶରୀରକୁ ଢାଙ୍କୁଥିବା ପୋଷାକ ପିନ୍ଧନ୍ତୁ । ବାହାରକୁ ଯିବା ସମୟରେ ସନଗ୍ଲାସ୍ ପିନ୍ଧିବାକୁ କଦାପି ଭୁଲନ୍ତୁ ନାହିଁ ।
ଅଧିକ ସମୟ ଧରି ଖରାରେ ରୁହନ୍ତୁ ନାହିଁ:-
ଯେତେବେଳେ ଆପଣ ଖରାରେ ବାହାରକୁ ଯାଉଛନ୍ତି, ସର୍ବଦା ସମୟ ଦେଖନ୍ତୁ । ବିଶେଷକରି ପିକ୍ ଆୱାରରେ (ସକାଳ ୧୦ଟାରୁ ଅପରାହ୍ନ ୨ଟା) ଯେତେବେଳେ ସୂର୍ଯ୍ୟ କିରଣ ସବୁଠାରୁ ଅଧିକ ଥାଏ, ସେହି ସମୟରେ ବାହାରକୁ ଯିବାରୁ ଦୂରେଇ ରୁହନ୍ତୁ।
