ନୂଆଦିଲ୍ଲୀ : ଆଜିକାଲିର ବ୍ୟସ୍ତ ଜୀବନଶୈଳୀ, ଖାଦ୍ୟପେୟର ଖରାପ ଅଭ୍ୟାସ ଓ ଜୀବନରେ ବଢୁଥିବା ଚାପ ଯୋଗୁଁ, ସାରା ବିଶ୍ୱରେ ଲୋକେ ହୃଦଘାତର ଶିକାର ହେଉଛନ୍ତି। ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ଅନୁସାରେ , ପ୍ରତି ବର୍ଷ ହୃଦରୋଗ (ସିଭିଡି)ରେ ପ୍ରାୟ ୧୭.୯ ନିୟୁତ ଲୋକଙ୍କ ଜୀବନ ଚାଲି ଯାଉଛି। ଯେଉଁଥିରେ କାର୍ଡିଆକ୍ ଆରେଷ୍ଟ ବା ହୃଦରୋଗ ମଧ୍ୟ ଏକ କାରଣ। ଏଥିରେ ଯଦି ଆପଣ ନିଜର ହାର୍ଟକୁ ସୁସ୍ଥ ରଖିବାକୁ ଚାହାନ୍ତି , ତ ଏହି ୫ ଜିନିଷ ଠାରୁ ସମୟ ପୂର୍ବରୁ ଦୂରେଇ ରୁହନ୍ତୁ।
ହୃଦଘାତର ବିପଦ ବଢାଇପାରେ ଏହି ୫ ଫୁଡ୍ସ -
ପ୍ରୋସେସ୍ଡ ମିଟ୍ – ସସେଜ୍ , ବେକନ ହାର୍ଟଡଗ୍ ଭଳି ପ୍ରୋସେସ୍ଡ ମିଟ୍ରେ ଉଚ୍ଚ ମାତ୍ରାରେ ସାଚୁରେଟେଡ୍ ଫ୍ୟାଟ୍ , ସୋଡିୟମ ଓ ପ୍ରିଜର୍ଭେସଟିଭ୍ସ ଥାଏ , ଯାହା ରକ୍ତଚାପ ଓ କୋଲେଷ୍ଟ୍ରଲକୁ ବଢାଇ ହୃଦଘାତର ବିପଦକୁ ବଢାଇ ପାରେ। ଅକ୍ସଫୋର୍ଡ ବିଶ୍ୱବିଦ୍ୟାଳୟ ଅନୁସାରେ, ପ୍ରତିଦିନ ୫୦ ଗ୍ରାମରୁ ଅଧିକ ପ୍ରୋସେସଡ୍ ମିଟ୍ର ସେବନ କରିବାରେ କୋରୋନାରୀ ହାର୍ଟରୋଗର ବିପଦ ୧୮ ପ୍ରତିଶତ ବଢିଯାଏ।
ଫ୍ରାଏଡ୍ ଫୁଡ୍ –
ନିୟମିତ ଭାବେ ଫ୍ରାଏଡ ଖାଦ୍ୟ ପଦାର୍ଥ ଖାଇବା ଦ୍ୱାରା ହାର୍ଟର ଧମନୀରେ ବ୍ଲକେଜ୍ ସମସ୍ୟା ଦେଖା ଦେଇ ଥାଏ। ଫ୍ରାଏଡ୍ ଫୁଡ୍ରେ ସାଚୁରେଟେଡ୍ ଓ ଟ୍ରାନ୍ସ ଫ୍ୟାଟ୍ ଅଧିକ ଥାଏ, ଯାହା ଧମନୀରେ ପ୍ଲାକ୍ର ନିର୍ମାଣକୁ ବୃଦ୍ଧି କରେ। ଏହି ପ୍ଲାକ୍ ଧମନୀ ଗୁଡ଼ିକୁ ସଙ୍କୁଚିତ କରି ପାରେ, ଯେଉଁଥିରେ ରକ୍ତର ପ୍ରବାହ ହ୍ରାସ ପାଏ ଏବଂ ହାର୍ଟରୋଗର ବିପଦ ବଢିଯାଏ।
ଅଧିକ ମିଠା ଖାଦ୍ୟ ପଦାର୍ଥ –
କୋଲ୍ଡ ଡ୍ରିଙ୍କସ, କ୍ୟାଣ୍ଡି ଓ ଅତ୍ୟଧିକ ଚିନି ଯୁକ୍ତ ମିଠା ମୋଟାପା, ଟାଇପ୍-୨ ଡାଇବେଟିସ୍ ଓ ହାର୍ଟରୋଗର ବିପଦ ବଢାଇ ଥାଏ।
ଅତ୍ୟଧିକ ଲୁଣ ଯୁକ୍ତ ଖାଦ୍ୟ ପଦାର୍ଥ –
ଚିପ୍ସ ,ଲୁଣ ଓ ଡବାବନ୍ଦ ଖାଦ୍ୟ ପଦାର୍ଥରେ ସୋଡିୟମର ଅଧିକ ମାତ୍ରା ରହିଥାଏ , ଯାହା ରକ୍ତଚାପ ବଢାଇ ହାର୍ଟ ଉପରେ ଚାପ ପକାଇ ଥାଏ। କହି ରଖୁଛୁ କି, ସୋଡିୟମ ଶରୀରରେ ପାଣିର ମାତ୍ରାକୁ ବଢାଇ ଥାଏ , ଯେଉଁଥିରେ ରକ୍ତର ମାତ୍ରା ଓ ଚାପ ଉଭୟ ବଢିଥାଏ। ଉଚ୍ଚ ରକ୍ତଚାପ ହାର୍ଟର ପମ୍ପିଂ କକ୍ଷର ୱାଲକୁ ମୋଟା କରି ଦେଇ ଥାଏ , ଯେଉଁଥିରେ ହାର୍ଟଫେଲ୍ ହୋଇପାରେ।
ରେଡ୍ ମିଟ୍-
ବିଫ୍ ବା ମଟନର ଅଧିକ ସେବନ ସାଚୁରେଟେଡ୍ ଫ୍ୟାଟ୍ ଓ କୋଲେଷ୍ଟ୍ରଲର ମାତ୍ରାକୁ ବଢାଇ ଥାଏ, ଯାହା ଭବିଷ୍ୟତରେ ହାର୍ଟରୋଗର କାରଣ ହୋଇ ପାରେ।
ହାର୍ଟର ସ୍ୱାସ୍ଥ୍ୟକୁ ଉତ୍ତମ ରଖିବା ପାଇଁ ଆପଣାନ୍ତୁ ଏହି ଉପାୟ –
୧- ନିଜର ଆହାରରେ ତାଜା ଫଳ , ପନିପରିବା ଓ ଶସ୍ୟ ସାମିଲ କରନ୍ତୁ।
୨- ତେଲ ଓ ଲୁଣର ସେବନ କମ୍ କରନ୍ତୁ।
୩- ନିୟମିତ ବ୍ୟାୟାମ ଓ ଓଜନ ନିୟନ୍ତ୍ରଣ ଉପରେ ଧ୍ୟାନ ଦିଅନ୍ତୁ।
୪-ଧୂମ୍ରପାନ ଓ ଅତ୍ୟଧିକ ମଦ୍ୟପାନ କରିବାରୁ ନିବୃତ୍ତ ରୁହନ୍ତୁ।
୫-ହାଇ ବ୍ଲଡ୍ ପ୍ରେସର ଓ କୋଲେଷ୍ଟ୍ରଲରେ ହାର୍ଟ ଆଟାକ୍ ଓ ଷ୍ଟ୍ରୋକ୍ର ବିପଦ ବଢିଯାଏ, ଏଥିରେ ଏହି ବିପଦରୁ ରକ୍ଷା ପାଇବା ପାଇଁ ବିପି ଓ କୋଲେଷ୍ଟ୍ରଲକୁ କଣ୍ଟ୍ରୋଲରେ ରଖନ୍ତୁ।
