ମୁମ୍ବାଇ, ୭/୧୨ : କମେଡ଼ିୟାନ ସୁନୀଲ ପାଲ ମୁମ୍ବାଇ ପୋଲିସରେ ଅଜଣା ଲୋକଙ୍କ ବିରୁଦ୍ଧରେ ଅପହରଣର ଏତଲା ଦେଇଛନ୍ତି। ସୁନୀଲ ପାଲ ଏକ ଶୋ ଲାଗି ମୁମ୍ବାଇରୁ ବାହାରକୁ ଯାଇଥିଲେ । ଏହାପରେ ସେ କେତେ ଘଣ୍ଟା ପର୍ଯ୍ୟନ୍ତ ନିଖୋଜ ଥିଲେ। ପାଲଙ୍କ ନିଖୋଜ କେତେ ଘଣ୍ଟା ପର୍ଯ୍ୟନ୍ତ ରହସ୍ୟ ହୋଇ ରହିଥିଲା । କାରଣ ତାଙ୍କ ମୋବାଇଲ୍ ଫୋନ ବି ବନ୍ଦ ଥିଲା । ମାତ୍ର ପରେ ପାଲ ନିଜ ପରିବାର ସଦସ୍ୟଙ୍କ ସହ ସମ୍ପର୍କ କରିଥିଲେ ଏବଂ କହିଥିଲେ କି ସେ ସୁରକ୍ଷିତ ଅଛନ୍ତି ।
ସୂଚନା ମୁତାବକ ସୁନୀଲ ପାଲ ଦେଇଥିବା ଅଭିଯୋଗ ଆଧାରରେ ଗତ ରାତିରେ ମୁମ୍ବାଇର ସାନ୍ତାକୃଜ ପୋଲିସ ଷ୍ଟେଶନରେ ଏତଲା ଦେଇଛନ୍ତି । ଏହାପରେ ମାମଲାକୁ ଆଗକୁ ଯାଞ୍ଚ ଲାଗି ଉତ୍ତରପ୍ରଦେଶର ମେରଠ ସହର ସ୍ଥିତ ଲାଲକୁର୍ତ୍ତି ପୋଲିସ ଷ୍ଟେଶନକୁ ଟ୍ରାନ୍ସଫର କରାଯାଇଛି ।
