ଭୁବନେଶ୍ବର ୩୧/୧୦: ମୁଖ୍ୟମନ୍ତ୍ରୀଙ୍କ ଦିଓ୍ୱାଲି ସପିଂ। ରାସ୍ତାକଡ଼ ଦୋକାନୀଙ୍କ ଠାରୁ ଦୀପ, ତେଲ, ଆଖୁ, ବାଳୁଙ୍ଗା, ଶୁଆଁ ନଟି, ନଡ଼ିଆ, ରଙ୍ଗୋଲି କିଣିଲେ। ଦୀପ କିଣିବା ପରେ ବିଭିନ୍ନ ଦୀପ ଦୋକାନ ବୁଲୁଛନ୍ତି । ଦୋକାନ ଆଗ ସଫା ସୁତୁରା ରଖିବାକୁ ପରାମର୍ଶ ଦେଇ ଥିଲେ।

ଦୀପାବଳି ପାଳନ ଲାଗି ନିଜ ଗାଁ ରାଇକଳାକୁ ଯିବା ପୂର୍ବରୁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ରାଜଧାନୀ ଏକ ନମ୍ବର ହାଟକୁ ଯାଇ କିଣା କିଣି କରିଥିଲେ। ମୁଖ୍ୟମନ୍ତ୍ରୀ ସପତ୍ନୀକ ଏକ ନମ୍ବର ହାଟ ଫୁଟପାଥ ଉଠା ଦୋକାନୀଙ୍କଠୁ ପୂଜା ସାମଗ୍ରୀ କିଣାକିଣି କରିଥିଲେ। ମୁଖ୍ୟମନ୍ତ୍ରୀ ଆଖୁ, ବାଳୁଙ୍ଗା, ଶୁଆଁ ନଟି, ଦୀପ, ତେଲ, ନଡ଼ିଆ, ରଙ୍ଗୋଲି କିଣିଥିଲେ।

ମୁଖ୍ୟମନ୍ତ୍ରୀ କହିଛନ୍ତି ଯେ, ୨୦୦୪ ରେ ବିଧାୟକ ଥିବା ସମୟରେ ଏକ ନମ୍ବର ହାଟ ନିକଟରେ ରହୁଥିଲେ। ସେ ସମୟରୁ ହାଟରୁ ଦୀପାବଳିରେ ସବୁ ସାମଗ୍ରୀ କିଣା କିଣି କରନ୍ତି। ଆଜି ମଧ୍ୟ ସେ ସେଇଠୁ ସବୁ କିଣିଛନ୍ତି। ଏହା ସହ ରାଜ୍ୟବାସୀଙ୍କ ଅଭିନନ୍ଦନ ଜଣାଇବା ସହ ସୁଖ ସମୃଦ୍ଧି କାମନା କରିଛନ୍ତି। ସେପଟେ ମୁଖ୍ୟମନ୍ତ୍ରୀଙ୍କୁ ନିଜ ଦୋକାନରେ ପାଇ ଖୁବ ଖୁସି ବ୍ୟକ୍ତ କରିଛନ୍ତି। ମୁଖ୍ୟମନ୍ତ୍ରୀଙ୍କୁ କେବେ ଆଗରୁ ଦେଖି ନଥିଲେ। ମୁଖ୍ୟମନ୍ତ୍ରୀ ସେମାନଙ୍କ ବ୍ୟବସାୟ ସମ୍ପର୍କରେ ପଚରିବା ସହ ଦୋକାନ ଆଗ ସଫା ସୁତୁରା ରଖିବାକୁ ପରାମର୍ଶ ଦେଇଥିଲେ।