ଚୌଦ୍ବାର ୨୫/୦୪: ଚୌଦ୍ୱାର ଆଗ୍ରାହାଟ ବ୍ରାହ୍ମଣ ସାହିରେ ଗତ ୨୧ ତାରିଖରେ ମହିଳାଙ୍କୁ ଛୁରାମାରି ସୁନା ଲୁଟି ନେଇଥିବା ଘଟଣାରେ ଦୁଇ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ଚୌଦ୍ଵାର ପୋଲିସ । ସୂଚନା ଅନୁଯାୟୀ ଚୌଦ୍ଵାର ଥାନା ଅନ୍ତର୍ଗତ ଆଗ୍ରାହାଟ ବ୍ରାହ୍ମଣ ସାହିରେ ଘରେ ଏକାକୀ ଥିବା ଜଣେ ମହିଳାଙ୍କ ଘର ଭିତରେ ପଶି ବେକକୁ ଛୁରିମାରି ସୁନା ହାର ନେଇ ଦୁଇ ଜଣ ଲୁଟେରା ଫେରାର ହୋଇ ଯାଇଥିଲେ । ଏନେଇ ଗତ ୨୧ ତାରିଖରେ ମହିଳାଙ୍କ ଶଶୁର ଶରତ ଚନ୍ଦ୍ର ସାହୁ ଥାନାରେ ଅଭିଯୋଗ କରିଥିଲେ। ଏହି ଘଟଣାକୁ ଚୌଦ୍ୱାର ପୋଲିସ୍ ଗୁରୁତ୍ୱର ସହ ନେଇ ଘଟଣାର ପର୍ଦ୍ଦାଫାଶ କରିଛି। ଅଭିଯୁକ୍ତ ଜଣଙ୍କ ବାଲିଚନ୍ଦ୍ରପୁର ଥାନା ଯାନକା ଅଞ୍ଚଳର ଆଶୁତୋଷ ଜେନା ସୁନାହାର ନେଇ ସେହି ଅଞ୍ଚଳର ପ୍ରକାଶ ଚନ୍ଦ୍ର ସାହୁଙ୍କୁ ବିକ୍ରି କରିଥିଲା। ଅଭିଯୁକ୍ତଙ୍କ ଠାରୁ ଏକ ସ୍କୁଟି ଗାଡି ସହ ଝଳା ହୋଇଥିବା ସୁନାକୁ ଜବତ କରି ଦୁଇଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ୍।