ଚୀନ,୦୯/୧୨: ବର୍ତ୍ତମାନ ଚୀନର ଯୁବଗୋଷ୍ଠୀ ବିବାହ ଓ ପ୍ରେମ ପ୍ରତି ଅନିଚ୍ଛା ପ୍ରକାଶ କରୁଛନ୍ତି । ଦେଶରେ ୫୭ ପ୍ରତିଶତ ୟୁଥ ବିବାହ କରିବାକୁ ଚାହୁଁନାହାନ୍ତି । ପ୍ରେମ, ବିବାହ, ପରିବାର ଓ ପ୍ରଜନନ ଭଳି ପ୍ରସଙ୍ଗରେ ପଜିଟିଭ ଚିନ୍ତାଧାରା ଆଣିବାକୁ ଚୀନ ସରକାର ଆଣିଛନ୍ତି ଲଭ ଏଜୁକେନସ କାର୍ଯ୍ୟକ୍ରମ । ଖୁବଶୀଘ୍ର କଲେଜ ଓ ବିଶ୍ବବିଦ୍ୟାଳୟରେ ଏହା ଆରମ୍ଭ ହେବ । ଫଳରେ ବିବାହ, ପରିବାର ଲାଗି ଯୁବଗୋଷ୍ଠୀ ପ୍ରେରିତ ହେବେ ।
ପିଲାଙ୍କ ମଧ୍ୟରେ ପ୍ରେମ, ବିବାହ, ପରିବାର ଓ ପ୍ରଜନନ ଭଳି ପ୍ରସଙ୍ଗରେ ପଜିଟିଭିଟି ଆଣିବାକୁ ଲଭ ଏଜୁକେସନ କାର୍ଯ୍ୟକ୍ରମ ଆରମ୍ଭ କରିବାକୁ ଯାଉଛି ଚୀନ । ଖୁବଶୀଘ୍ର କଲେଜ ଓ ବିଶ୍ବବିଦ୍ୟାଳୟଗୁଡିକରେ ଆରମ୍ଭ ହେବ । ଏଥିରେ ବିବାହ ଓ ପରିବାର ଲାଗି ମୋଟିଭେଟ ହେବ ଯୁବଗୋଷ୍ଠୀ ।
ଚୀନ ସରକାରଙ୍କ କହିବା କଥା ଜୁନିୟର କଲେଜରେ ଜନସଂଖ୍ୟା ହ୍ରାସ, ଦେଶର ବର୍ତ୍ତମାନର ସ୍ଥିତି, ବିବାହ ଓ ସନ୍ତାନ ଜନ୍ମ ସମ୍ବନ୍ଧୀୟ କଥା ପଢାଯିବା ଦରକାର । ସନିୟର ପାଠ୍ଯକ୍ରମ ଓ ଗ୍ରାଜୁଏଟ ପ୍ରୋଗ୍ରାମରେ ଛାତ୍ରଛାତ୍ରୀମାନଙ୍କୁ କେସ୍ ଷ୍ଟଡି ଓ ଗ୍ରୁପ ଭିତ୍ତିକ ଆଲୋଚନାରେ ଶିକ୍ଷା ଦିଆଯିବା ଦରକାର ।
ସମୟ ଥିଲା ଚୀନ ସରକାର ଗୋଟିଏ ସନ୍ତାନ ଜନ୍ମ ଲାଗି ଆହ୍ବାନ ଦେଇଥିଲେ । ଲକ୍ଷ୍ୟ ଥିଲା ଜନସଂଖ୍ୟା ବୋଝ କମାଇବା । ବର୍ତ୍ତମାନ ସ୍ଥିତି ଅଲଗା । ଦେଶର ଜନସଂଖ୍ୟା ଦ୍ରୁତ ଗତିରେ ବୁଢା ହେଉଛି । ବୟସ୍କଙ୍କ ଜନସଂଖ୍ୟା ବଢିଲେ ସରକାରୀ ଖର୍ଚ୍ଚ ବଢିବ । ଏହାର ସମାଧାନ ପାଇଁ ଚୀନ ପାଖରେ ଗୋଟିଏ ବାଟ ଅଛି ଜନ୍ମହାର ବଢାଇବା । ମାତ୍ର ଏ ଦିଗରେ ସମସ୍ୟା ଉପୁଜିବାରୁ ଲଭ ଏଜୁକେନ କାର୍ଯ୍ୟକ୍ରମ ଆରମ୍ଭ କରିବାକୁ ଯାଉଛି ଚୀନ । ୨୦୧୩ରେ ଚୀନରେ ବିବାହର ସଂଖ୍ୟା ୧କୋଟି ୩୦ ଲକ୍ଷ ଥିଲା । ୭ ବର୍ଷରେ ଏହା ୫୦ ଲକ୍ଷ କମିଛି । ୨୦୨୩ରେ ଏହା ୧୬ ପ୍ରତିଶତ କମିଛି । ଧନୀ ଦେଶରେ ବିବାହ ସଂଖ୍ୟା କମିଛି । ଭାରତରେ ୨୩ ପ୍ରତିଶତ ଯୁବଗୋଷ୍ଠୀ ବିବାହ କରିବାକୁ ଅନିଚ୍ଛା ପ୍ରକାଶ କରୁଥିବା ରିପୋର୍ଟରୁ ଜଣାପଡିଛି ।
