ଫୁଲବାଣୀ,ଫିରିଙ୍ଗିଆ,୨୨/୮ : ସରକାରଙ୍କ ମୁଖ୍ୟମନ୍ତ୍ରୀ ଜନଜାତି ଜୀବିକା ମିଶନ ମାଧ୍ୟମରେ ଜନଜାତିଙ୍କ ରୋଜଗାର ବୃଦ୍ଧି ଦିଗରେ କୃଷି ଓ ଉଦ୍ୟୋଗୀ ନିମନ୍ତେ ବିଭିନ୍ନ କାର୍ଯ୍ୟକ୍ରମ ହାତକୁ ନେଇଛନ୍ତି । ଆକି ଫିରିଙ୍ଗିଆ ବ୍ଲକର ଡିଣ୍ଡିରାଗାଁ ପଂଚାୟତା ଅନ୍ତର୍ଗତ ଟେଲାପାଲି ଗ୍ରାମର ବାମନ ଚରଣ କହଁରଙ୍କ ଭଳି ଯୁବ ଉଦ୍ୟୋଗୀ ନିଜର ପିଲାଦିନର ସ୍ୱପ୍ନ ବାସ୍ତବରେ ପରିଣତି କରିପାରିଛନ୍ତି । ଆଦିବାସୀ ଉନ୍ନୟନ ସଂସ୍ଥା, ଫୁଲବାଣୀ, ମୁଖ୍ୟମନ୍ତ୍ରୀ ଜନଜାତି ଜୀବିକା ମିଶନ କାର୍ଯ୍ୟକ୍ରମ ମାଧ୍ୟମରେ ବାନାମ୍ବରଙ୍କ ସ୍ୱପ୍ନକୁ ଏକ ବାସ୍ତବ ରୁପ ଦେଇପାରିଛନ୍ତି ।
ଅଗଷ୍ଟ ୨୦ତାରିଖ ବାନାମ୍ବର ଏହି କାରକୁ ଆଦିବାସୀ ଉନ୍ନୟନ ସଂସ୍ଥା, ଫୁଲବାଣୀର ପ୍ରଶାସକ ଗଦାଧର ପାତ୍ର , ସହଯୋଗୀ ଅନୁଷ୍ଠାନ ସ୍ୱାତୀର ଅଧ୍ୟକ୍ଷ ପ୍ରଶାନ୍ତ ଶତପଥୀ ଓ ସଂପାଦକ ଇଂ ହରିଶଙ୍କର ରାଉତ, ମିଶନର କର୍ମକର୍ତ୍ତା ଶୁଭଶ୍ରୀ ମହାନ୍ତି, ଗୁପ୍ତା ଖିଲାର, ଶ୍ରୀପତି ପାତ୍ର ଓ ଅନ୍ୟକର୍ମକର୍ତ୍ତା ମାଧ୍ୟମରେ ଶୁଭ ଉଦଘାଟନ କରିଛନ୍ତି । ଡିଣ୍ଡିରାଗାଁ ପଂଚାୟତର ୩ଟି ଗ୍ରାମ ଯଥା ବୁଦୁଲି, ଗଞ୍ଜୁଖୋଲ ଓ ଟେଲାପାଲିକୁ ନେଇ ଧରଣୀ ପେନୁ ଜନଜାତି ଜୀବିକା ପରିଷଦ ଗଠନ କରାଯାଇଛି । ବାନାମ୍ବର ଏହି ପରିଷଦରେ ଶିକ୍ଷିତ ବେକାର ଯୁବକ ଅଟନ୍ତି । ଦୀର୍ଘ କିଛି ବର୍ଷ ହେବ ବାନାମ୍ବର ଗୋଟେ କାର କିଣିବା ପାଇଁ ସବୁବେଳେ ସ୍ୱପ୍ନ ଦେଖୁଥାଏ । କିପରି ସୁଲଭ ମୂଲ୍ୟରେ ନିଜ ଅଂଚଳର ଲୋକମାନଙ୍କୁ ସେବା ସହିତ, ନିଜେ ରୋଜଗାର କ୍ଷମ ହୋଇପାରିବ ତାକୁ ସବୁ ବେଳେ ବିଚଳିତ କରୁଥିଲା ।
ପରିଷଦ ମାଧ୍ୟମରେ ତାଙ୍କୁ ଯୁବ ଉଦ୍ୟୋଗ ହିସାବରେ ଚୟନ କରାଗଲା ଓ ମୁଳ ପାଣ୍ଠି ୧,୦୦,୦୦୦ଟଙ୍କା ପ୍ରଦାନ ପାଇଁ ସୁପାରିଶ କରାଯାଇଥିଲା। ଶେଷରେ ନିଜସ୍ୱ ପାଣ୍ଠି ମିଶାଇ କିସ୍ତି ହିସାବରେ ଏକ କାର କିଣିପାରିଲା । ବେକାରୀ ଶିଖିତ ଯୁବକଯୁବତୀ ପାଖାପାଖି ୯୦ଜଣକୁ ମିଶନ ତରଫରୁ ଗତ ୩ବର୍ଷ ହେବ ସହଯୋଗ ପ୍ରଦାନ କରିଆସୁଛି । ବାନାମ୍ବରଙ୍କ ବଳିଷ୍ଠ ଉଦ୍ୟମ ତାଙ୍କୁ ସଫଳ ଉଦ୍ୟୋଗୀ କରିବ ବୋଲି ପ୍ରକଳ୍ପ ପ୍ରଶାସକ କହିଥିଲାବେଳେ ସ୍ୱାତୀର ଅଧ୍ୟକ୍ଷ ଏଭଳି ବେକାର ଯୁବକ ଓ ଯୁବତୀ ନିଜେ ସ୍ବାବଲମ୍ବୀ ହେବା ସହ ଅନ୍ୟ ବେକାରୀ ଜନଜାତିଙ୍କ ପାଇଁ ଆଦର୍ଶ ହୋଇପାରିବେ ବୋଲି କହିଥିଲେ । ଏହି କାର୍ଯ୍ୟକ୍ରମରେ ଚାଷୀମାନଙ୍କୁ ଜୈବିକ ସାର, ଔଷଧ ଓ ବିହନ ପ୍ରଦାନ କରି ନୂଆ ଧରଣର ଚାଷ କରି ଅଧିକ ଉପାର୍ଜନ କରି କିପରି ଆର୍ଥିକ ସ୍ୱଛଳ ଦିଗରେ ଗତି କରିବେ ଏହି ପ୍ରକଳ୍ପର ମୁଖ୍ୟ ଉଦେଶ୍ୟ ଅଟେ ।
