ସମ୍ବଲପୁର୨୨/୮ : ଜାତୀୟ ରାଜପଥରେ ଷ୍ଟଣ୍ଟ କରିବା ପଡ଼ିଲା ମହଙ୍ଗା। ଥର୍ ଗାଡ଼ିମାଲିକଙ୍କୁ ୧୭୫୦୦ ଟଙ୍କାର କଟିଲା ଫାଇନ୍। ଜାତୀୟ ରାଜପଥରେ ଷ୍ଟଣ୍ଟ ଦେଖାଇଥିବା ଅଭିଯୋଗରେ ବରଗଡ଼ ଆଞ୍ଚଳିକ ପରିବହନ ଅଧିକାରୀ ଅତାବିରା ଅଞ୍ଚଳର ରମଣୀ ଦନ୍ତାଙ୍କୁ ୧୭୫୦୦ ଟଙ୍କାର ଜରିମାନା କରିଥିବା ଜଣାପଡ଼ିଛି ।
ଗାଡ଼ି ମାଲିକ ଆକାଶ ସ୍ୱାଇଁଙ୍କ ନାମରେ ଥିବା ଓଡ଼ି-୧୯-ଏବି-୧୦୧୦ ନମ୍ବର ବିଶିଷ୍ଟ ଏକ କଳାରଙ୍ଗର ମହିନ୍ଦ୍ରା ଥର ଗାଡ଼ି ଧରି ରମଣୀ ଜାତୀୟ ରାଜପଥର ରୋଡ଼ ଡ଼ିଭାଇଡ଼ର ନଥିବା ଏକ ଜାଗାରେ ରାସ୍ତା ପାରି କରୁଥିଲେ । ହାତଛାଡ଼ି ଡ୍ରାଇଭ କରିଥିବା ରମଣୀ ସୁଟିଂ କରିଥିବା ଭିଡ଼ିଓ ଫୁଟେଜକୁ ନଜେ ନିଜ ସୋସିଏଲ ମିଡ଼ିଆ ଆକାଉଣ୍ଟରେ ପୋଷ୍ଟ କରିଥିଲେ । ଯାହାକୁ ଦେଖି ଏନଭାଇରନମେଂଟାଲ ଏଣ୍ଡ କ୍ଲାଇମେଟ ସ୍ୱେଚ୍ଛାସେବୀ ସଂସ୍ଥାର ଜଣେ ସାମାଜିକ କର୍ମୀ ଟୁଇଟ ମାଧ୍ୟମରେ ଓଡ଼ିଶା ମୁଖ୍ୟମନ୍ତ୍ରୀ, ରାଜ୍ୟ ପରିବହନ ବିଭାଗ, ବରଗଡ଼ ପୁଲିସ, ବରଗଡ଼ ଆରଟିଓ, ବରଗଡ଼ ଜିଲ୍ଲାପାଳ, ଉତ୍ତରାଂଚଳ ଆଇଜିଙ୍କ ଦୃଷ୍ଟି ଆକର୍ଷଣ କରିଥିଲେ । ଯାହାକୁ ନେଇ ସରକାର ଯାଞ୍ଚ ପାଇଁ ଆଦେଶ ଦେଲା ପରେ ବରଗଡ଼ ଆରଟିଓ ସାବୁଆ ମାଝି ଯାଂଚରୁ ତୃଟି ପାଇ ବେଆଇନ ଷ୍ଟଷ୍ଟ କରୁଥିବା ରମଣୀ ଦନ୍ତାଙ୍କୁ ଟ୍ରାଫିକ ଚାଲାଣ ନମ୍ବର ଓଆର-୧୭୭୦୩୩୨୫୦୮୨୦୧୦୩୧୪୦ରେ ନୋଟିସ କରିଥିଲେ ।
ମୋଟର ଭେଇକିଲ ଆକ୍ଟ ୧୭୭ ଜେନେରାଲ ଅଫେନ୍ସରେ ୫୦୦ ଟଙ୍କା, ୧୭୯-୧ ଡ଼ିସଓବିଡ଼ିଏନ୍ସ ଅଫ ଅର୍ଡର ଏନଫୋର୍ସମୋଂଟ ଅଥରିଟି ପାଇଁ ୨୦୦୦ ଟଙ୍କା, ୧୮୦ ଭେଲିଡ଼ ଡ଼ିଏଲ ନଥିବାରୁ ୫ ହଜାର ଟଙ୍କା, ୧୮୪ରେ ବିପଦପୂର୍ଣ୍ଣ ଡ୍ରାଇଭିଙ୍ଗ ପାଇଁ ୫୦୦୦ ଟଙ୍କା, ୧୮୧ରେ ୫୦୦୦ ଟଙ୍କାକୁ ନେଇ ମୋଟ ୧୭୫୦୦ ଟଙ୍କା ଫାଇନ କରିଥିବା ଜଣାପଡ଼ିଛି ।
