ଭୁବନେଶ୍ବର,୧୧।୮ ପାତ୍ରପଡ଼ା ଠାରେ ମର୍ମନ୍ତୁଦ ଦୁର୍ଘଟଣାରେ ପ୍ରାଣ ହରାଇଥିବା ରେବତୀଙ୍କ ପରିବାର ପ୍ରତି ସମବେଦନା ଜଣାଇଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଏହା ସହ ମୃତକଙ୍କ ପରିବାରକୁ ୪ ଲକ୍ଷ ଟଙ୍କାର ଅନୁକମ୍ପା ସହାୟତା ଘୋଷଣା କରିଛନ୍ତି ମୁଖ୍ୟମନ୍ତ୍ରୀ । ଦୁର୍ଘଟଣାରେ ଗୁରୁତର ହୋଇ ଚିକିତ୍ସାଧୀନ ଅବସ୍ଥାରେ ରେବତୀଙ୍କ ସୋମବାର ମୃତ୍ୟୁ ଘଟିଛି। ପୂର୍ବରୁ ଏହି ଦୁର୍ଘଟଣାରେ ରେବତୀଙ୍କ ୮ ବର୍ଷ ଝିଅର ମୃତ୍ୟୁ ହୋଇଥିଲା।
ସୂଚନାଯୋଗ୍ୟ, ଶନିବାର ରାତିରେ ପାତ୍ରପଡ଼ା ଠାରେ ରେବତୀ ନିଜ ୮ ବର୍ଷ ଝିଅ ଓ ୨ ବର୍ଷର ପୁଅ ସହ ରାସ୍ତା ପାର ହେଉଥିବା ବେଳେ ଦ୍ରୁତ ଗତିରେ ଆସୁଥିବା ଏକ ଥର ଗାଡି ତାଙ୍କୁ ଧକ୍କା ଦେଇଥିଲେ। ଏଥିରେ ରେବତୀଙ୍କ ଝିଅର ଘଟଣାସ୍ଥଳରେ ମୃତ୍ୟୁ ହୋଇଥିଲା। ଆଉ ଗୁରୁତର ଅବସ୍ଥାରେ ରେବତୀ ଏବଂ ପୁଅକୁ ଏମ୍ସରେ ଭର୍ତ୍ତି କରାଯାଇଥିଲା। ମାତ୍ର ସୋମବାର ରେବତୀଙ୍କ ମୃତ୍ୟୁ ହୋଇଛି । ସେପଟେ ଘଟଣାକୁ ନେଇ ପୁଲିସ ଏପର୍ଯ୍ୟନ୍ତ କେବଳ ଗାଡ଼ିଟିକୁ ଜଟଣୀ କୁସୁମାଟିରୁ ଠାବ କରିପାରିଛି। କାର ଚାଳକ ଏବେବି ଫେରାର୍ ଅଛନ୍ତି।
