ରାୟଗଡ଼ା, ୧୫/୧୨: ଜଣେ ଅଟୋ ଚାଲକଙ୍କୁ ନିର୍ମମ ଭାବେ ହତ୍ୟା କରାଯାଇଛି । ମୃତ ଅଟୋ ଚାଳକ ବଳରାମ ଖରା (୩୫) ବୋଲି ଜଣାପଡ଼ିଛି । ତାଙ୍କ ଘର କୋରାପୁଟ ଜିଲ୍ଲା ବନ୍ଧୁଗାଁ ଥାନା ଅନ୍ତର୍ଗତ ଗାରିଡି ଗ୍ରାମରେ ବୋଲି ସୂଚନା ମିଳିଛି । ଏହି ହତ୍ୟା ପଛର କାରଣ ଅସ୍ପଷ୍ଟ ଥିବା ବେଳେ ରାୟଗଡ଼ା ଜିଲ୍ଲା ଟିକିରି ଥାନା ଅନ୍ତର୍ଗତ ଫୁଲଜବା ଗାଁ ନିକଟରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଫୁଲଜବା ଗାଁ ନିକଟରେ ଜଣେ ଅଟୋ ଚାଳକଙ୍କ ମୃତଦେହ ଦେଖି ସ୍ଥାନୀୟଲୋକେ ତୁରନ୍ତ ପୋଲିକୁ ଖବର ଦେଇଥିଲେ । ଖବର ପାଇ ଘଟଣ ସ୍ଥଳରେ ଟିକିରି ଥାନା ପୋଲିସ ପହଞ୍ଚି ଅଟୋ ଚାଳକଙ୍କ ମୃତଦେହ ଉଦ୍ଧାର କରିଛି । ତାଙ୍କୁ କେହି ହତ୍ୟା କରି ସେଠାରେ ଫିଙ୍ଗି ଦେଇଥିବା ନେଇ ପୋଲିସ ତରଫରୁ ସୂଚନା ମିଳିଛି । ମୃତକଙ୍କ ଘର କୋରାପୁଟ ଜିଲ୍ଲା ବନ୍ଧୁଗାଁ ଥାନା ଅନ୍ତର୍ଗତ ଗାରିଡି ଗ୍ରାମରେ ବୋଲି ଜଣାପଡ଼ିଛି । ଅଟୋ ଚାଳକଙ୍କ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ଟିକିରି ଥାନା ପୋଲିସ । ତେବେ କିଏ ଏବଂ କାହିଁକି ଅଟୋ ଚାଳକଙ୍କୁ ହତ୍ୟା କଲା, ସେନେଇ ବିଭିନ୍ନ ଦିଗରୁ ଘଟଣାର ତଦନ୍ତ କରୁଛି ପୋଲିସ ।
