କଣ୍ଟାବାଞ୍ଜି, ୦୮/୧୧: ଦିବାଲୋକରେ ଭାଇ ଭଉଣୀଙ୍କ ଠାରୁ ଟାଙ୍ଗିଆ ଦେଖାଇ ଲୁଟ୍ । କିୟୋସ ବ୍ୟାଙ୍କକୁ ଯାଉଥିବା ବେଳେ ୭ ଲକ୍ଷ ୩୦ ହଜାର ଟଙ୍କା ଲୁଟି ନେଲେ ଲୁଟେରା । ପଟାମରା ଗାଁର ଲଳିତ ଗହୀର ଏବଂ ତାଙ୍କ ଭଉଣୀଙ୍କ ଠାରୁ ଏହି ଲୁଟ୍‌ ହୋଇଛି । ବଲାଙ୍ଗୀର ଜିଲ୍ଲା ମୁରିବାହାଲ ଥାନା ଅଞ୍ଚଳରେ ଏଭଳି ଘଟଣା ଘଟିଛି।

ସୂଚନା ମୁତାବକ, ପଟାମରା ଗାଁର ଲଳିତ ଗହୀର ଏବଂ ତାଙ୍କ ଭଉଣୀ ହଳଦୀ ଗାଁରେ ଥିବା ତାଙ୍କ କିୟୋସ ବ୍ୟାଙ୍କକୁ ନିଜ ବାଇକରେ ଯାଉଥିଲେ । ବ୍ୟାଙ୍କ ଯିବା ସମୟରେ ୭ ଲକ୍ଷ ୩୦ ହଜାର ଟଙ୍କା ନେଇ ଯାଉଥିଲେ। ଏହି ସମୟରେ ରାସ୍ତାରେ ଗୋଟିଏ ସ୍କୁଟିରେ ୩ ଜଣ ଯୁବକ ମାରଣାସ୍ତ୍ର ଦେଖାଇ ଟଙ୍କା ଭର୍ତ୍ତି ବ୍ୟାଗ୍‌ ଲୁଟି ଫେରାର ହୋଇଯାଇଥିଲେ । ଏନେଇ ଭାଇ ଭଉଣୀ ମୁରିବାହାଲ ଥାନାରେ ଅଭିଯୋଗ କରିଥିଲେ । ଅଭିଯୋଗ ଆଧାରରେ ଘଟଣାସ୍ଥଳରେ ପୋଲିସ ତଦନ୍ତ ଚଳାଇଛି ।