ନୂଆଦିଲ୍ଲୀ,୦୨/୦୮: ବ୍ୟସ୍ତବହୁଳ ଜୀବନ ଭିତରେ ଚୁଟି ଝଡ଼ିବା କିମ୍ବା ଚନ୍ଦା ହୋଇଯିବା ଏକ ସାଧାରଣ ସମସ୍ୟା ହୋଇଗଲାଣି। ଆଉ ଏହି ସମସ୍ୟାରୁ ମୁକୁଳିବା ପାଇଁ ପ୍ରାୟତଃ ଯୁବପିଢ଼ି ହେୟାର ଟ୍ରାନ୍ସପ୍ଲାଣ୍ଟ କରିଥାନ୍ତି। ଆଉ ଏଥିପାଇଁ ସହରର ଅନେକ ସ୍ଥାନରେ ହେୟାର ଟ୍ରାନ୍ସପ୍ଲାଣ୍ଟ କେନ୍ଦ୍ର ଖୋଲାଯାଇଛି। କିନ୍ତୁ କିଛିଟା ସ୍ଥାନରେ ଅଭିଜ୍ଞତା ନଥିବା ଡ଼ାକ୍ତର ଓ ଶସ୍ତା କେଶ ପ୍ରତିରୋପଣ ବା ହେୟାର ଟ୍ରାନ୍ସପ୍ଲାଣ୍ଟ ଯୋଗୁଁ ବହୁତ ଲୋକଙ୍କ ଜୀବନ ଚାଲିଯାଉଛି। ସେହିପରି ତୁର୍କୀରୁ ସାମ୍ନାକୁ ଆସିଛି ଏଭଳି ଏକ ଘଟଣା। ଜଣେ ବ୍ରିଟିଶ ବ୍ୟକ୍ତିଙ୍କ ୫ ଘଣ୍ଟାର କେଶ ପ୍ରତିରୋପଣ ପ୍ରକ୍ରିୟା ପରେ ତାଙ୍କର ମୃତ୍ୟୁ ହୋଇଛି ।
ତୁର୍କୀ ସମ୍ବାଦ ସଂସ୍ଥା ଓଡ଼ିଏଟିଭି ଅନୁଯାୟୀ,ଜଣେ ୩୮ ବର୍ଷୀୟ ବ୍ରିଟିଶ ବ୍ୟକ୍ତି ଇସ୍ତାନବୁଲର ଏକ ଘରୋଇ କ୍ଲିନିକ୍ ଯାଇଥିଲେ। ସେଠାରେ ପାଞ୍ଚ ଘଣ୍ଟାର ପ୍ରତିରୋପଣ ଅସ୍ତ୍ରୋପଚାର ପରେ, ସେ ଅସୁସ୍ଥ ଅନୁଭବ କରିଥିଲେ। ଏନେଇ ତାଙ୍କୁ ତୁରନ୍ତ ହସ୍ପିଟାଲକୁ ନିଆଯାଇଥିଲା କିନ୍ତୁ ସେଠାରେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିବା ନେଇ ଦି ମିରର ରିପୋର୍ଟ ପ୍ରକାଶ କରିଛି। ଏହି ମାମଲାରେ ତଦନ୍ତ ଆରମ୍ଭ ହୋଇଛି। ବର୍ତ୍ତମାନ କ୍ଲିନିକ୍ର କର୍ମଚାରୀମାନଙ୍କୁ ପୁଲିସ ପଚରାଉଚରା କରିଥିବା ବେଳେ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ସ୍କାନର୍ ଅଧୀନରେ ଥିବା ଅନ୍ୟ କର୍ମଚାରୀଙ୍କ ମଧ୍ୟରେ ଆନାସ୍ଥେସିଓଲୋଜିଷ୍ଟ ଏବଂ ନର୍ସମାନେ ଅନ୍ତର୍ଭୁକ୍ତ। ଏଥିସହ ତାଙ୍କ ମୃତ୍ୟୁର କାରଣ ତଦନ୍ତ କରିବା ପାଇଁ ତାଙ୍କ ମୃତଦେହକୁ ବ୍ୟବଚ୍ଛେଦ ପାଇଁ ଫୋରେନ୍ସିକ୍ ମେଡିସିନ୍ ଇନଷ୍ଟିଚ୍ୟୁଟ୍ ନିଆଯାଇଥିଲା। ୟୁକେର ସରକାରୀ ରେକର୍ଡ ଅନୁଯାୟୀ, ଅନ୍ୟ ଦେଶରେ କସମେଟିକ୍ ସର୍ଜରୀ ପରେ ଦେଶର ଅନେକ ଲୋକ ହସ୍ପିଟାଲରେ ଭର୍ତ୍ତି ହୋଇଛନ୍ତି। ବ୍ରିଟିଶ ଆସୋସିଏସନ୍ ଅଫ୍ ଆସ୍ଥେଟିକ୍ ପ୍ଲାଷ୍ଟିକ୍ ସର୍ଜନ୍ସ ଅନୁଯାୟୀ,ଗତ ତିନି ବର୍ଷ ମଧ୍ୟରେ ଏହି ସଂଖ୍ୟା ୯୪ ପ୍ରତିଶତ ବୃଦ୍ଧି ପାଇଛି।
