ନୂଆଦିଲ୍ଲୀ, ୨।୮: ଯେଉଁଠି ସୂର୍ଯ୍ୟକିରଣରେ ବିନା ବଞ୍ଚିବା ଅସମ୍ଭବ ସେଠି ବୈଜ୍ଞାନିକମାନେ ଏପରି ଏକ ଅଦ୍ଭୁତ ଜୀବର ଆବିଷ୍କାର କରିଛନ୍ତି । ଯିଏ ସୂର୍ଯ୍ୟକିରଣ ବିନା ବିକଶିତ ହୋଇଛନ୍ତି । ପ୍ରଶାନ୍ତ ମହାସାଗରର ଗଭୀରତାରେ ଏମିତି ଏକ ବିଶ୍ୱ ଗଢ଼ିଉଠିଛି, ଯାହାକୁ କେହି କଳ୍ପନା କରିନଥିଲେ । ଚାଇନିଜ୍ ଏକାଡେମୀ ଅଫ୍ ସାଇନ୍ସର ବୈଜ୍ଞାନିକମାନେ ଉତ୍ତର-ପଶ୍ଚିମ ପ୍ରଶାନ୍ତ ମହାସାଗରରେ ଏକ ଅଭିଯାନର ନେତୃତ୍ୱ ନେଇଥିଲେ । ଜାପାନ ଏବଂ ଆଲାସ୍କା ମଧ୍ୟରେ, ୩୧ ହଜାର ଫୁଟ୍ ତଳେ ରହୁଥିବା ଗଭୀର ସମୁଦ୍ରର ପ୍ରାଣୀମାନଙ୍କୁ ଆବିଷ୍କାର କରିଥିଲେ । ଯେଉଁଠାରେ କିଛି ଜୀବ ସୂର୍ଯ୍ୟକିରଣ ବିନା ବିକଶିତ ହୋଇଥିଲେ । ସୂର୍ଯ୍ୟକିରଣ ସମୁଦ୍ରରେ ଏତେ ଗଭୀର ପ୍ରବେଶ କରିପାରେ ନାହିଁ । ତେଣୁ, ଜୀବଗୁଡ଼ିକ ବୃଦ୍ଧି ପାଇବା ଏବଂ ବଞ୍ଚିବା ପାଇଁ ଆଲୋକ ସଂଶ୍ଳେଷଣ ପ୍ରକ୍ରିୟା ଉପରେ ନିର୍ଭର କରନ୍ତି ନାହିଁ । ଏହା ବଦଳରେ, ସେମାନେ ଘନ ଅନ୍ଧକାର ପରିବେଶରେ ଖାଦ୍ୟଶୃଙ୍ଖଳ ସୃଷ୍ଟି କରିବା ପାଇଁ ଏକ ସମ୍ପୂର୍ଣ୍ଣ ଅନନ୍ୟ ପ୍ରକ୍ରିୟା ବ୍ୟବହାର କରନ୍ତି । ଏହି ଆବିଷ୍କାର ନେଚର ଜର୍ଣ୍ଣାଲରେ ପ୍ରକାଶିତ ହୋଇଥିଲା ।
ଗଭୀର ସମୁଦ୍ରର ଏହି ଜୀବମାନେ ମିଥେନ ଏବଂ ହାଇଡ୍ରୋଜେନ୍ ସଲଫାଇଡ୍ ଭଳି ଯୌଗିକକୁ ଜୈବ ପଦାର୍ଥରେ ପରିଣତ କରନ୍ତି । ସବୁକିଛି ସମ୍ପୂର୍ଣ୍ଣ ଅନ୍ଧକାର ହେବା ସତ୍ତ୍ୱେ, ଏହି ପ୍ରକ୍ରିୟା ସମୁଦ୍ରରେ ଏକ ନୂତନ ଖାଦ୍ୟ ଶୃଙ୍ଖଳ ଗଠନକୁ ତ୍ୱରାନ୍ୱିତ କରେ । ସୂର୍ଯ୍ୟକିରଣ ବିନା ଏତେ ଗଭୀରତାରେ ଏହି ଜୀବମାନଙ୍କର ଏକ ବିଶ୍ୱ ରହିଥବା ଦେଖି ବୈଜ୍ଞାନିକମାନେ ଚକିତ ହୋଇଥିଲେ ।
ଟାଇଟାନିକ୍ ଭଗ୍ନାବଶେଷର ଆହୁରି ଗଭୀରରେ ଆବିଷ୍କାର:
ଅଧ୍ୟୟନରେ କୁହାଯାଇଛି ଯେ, ଏଠାରେ ଆବିଷ୍କୃତ ପ୍ରାଣୀମାନେ କେମୋସିନ୍ଥେସିସ୍ ନାମକ ଏକ ପ୍ରକ୍ରିୟା ବ୍ୟବହାର କରିଥିଲେ । ଏହାର ଏକ ଅଂଶ ଭାବରେ, ଗଭୀର ସମୁଦ୍ରର ଏହି ଜୀବମାନେ ମିଥେନ ଏବଂ ହାଇଡ୍ରୋଜେନ୍ ସଲଫାଇଡ୍ ଭଳି ଯୌଗିକକୁ ଜୈବ ପଦାର୍ଥରେ ପରିଣତ କରନ୍ତି । ସବୁକିଛି ସମ୍ପୂର୍ଣ୍ଣ ଅନ୍ଧକାର ହେବା ସତ୍ତ୍ୱେ, ଏହି ପ୍ରକ୍ରିୟା ସମୁଦ୍ରରେ ଏକ ନୂତନ ଖାଦ୍ୟ ଶୃଙ୍ଖଳ ଗଠନକୁ ତ୍ୱରାନ୍ୱିତ କରେ । ଚାଇନିଜ୍ ଏକାଡେମୀ ଅଫ୍ ସାଇନ୍ସେସ୍ର ଡିପ୍-ସମୁଦ୍ର ବିଜ୍ଞାନ ଏବଂ ଇଞ୍ଜିନିୟରିଂ ପ୍ରତିଷ୍ଠାନର ଗବେଷକ ମେଙ୍ଗ୍ରାନ୍ ଡୁ କହିଛନ୍ତି ଯେ, ଏହା ହେଉଛି ସବୁଠାରୁ ଗଭୀର ସ୍ତର ଯେଉଁଥିରେ ସମୁଦ୍ରରେ କେମୋସିନ୍ଥେଟିକ୍ ଜୀବନ ଆବିଷ୍କୃତ ହୋଇଛି । ଏହି ଆବିଷ୍କାର ଏକ ସଫଳତା କାରଣ ଏହା ପ୍ରମାଣ କରେ ଯେ, ଅତ୍ୟନ୍ତ କଠିନ ପରିସ୍ଥିତିରେ ବି ଜୀବସତ୍ତା ସୃଷ୍ଟି ହୋଇପାରେ । ଟାଇଟେନିକ୍ ଜାହାଜର ଭଗ୍ନାବଶେଷ ଯେଉଁଠାରେ ଆବିଷ୍କୃତ ହୋଇଥିଲା ତା’ଠୁ ଆହୁରି ଗଭୀରରେ ଏହି ଜୀବମାନଙ୍କ ଦୁନିଆ ରହିଛି ।
ମଣିଷ ପ୍ରଥମ ଥର ପାଇଁ ସମୁଦ୍ର ଭିତରର ଏହି ଅଞ୍ଚଳକୁ ଅନୁସନ୍ଧାନ କରିଛି । ଗବେଷକମାନଙ୍କ ଏହି ଦଳ ସମୁଦ୍ରର ସେହି ସ୍ଥାନରେ ପହଞ୍ଚିବା ପାଇଁ ସବମର୍ସିବଲ୍ ଫେଣ୍ଡୋଝେ ବ୍ୟବହାର କରିଥିଲେ । ସେମାନେ ଯାହା ଦେଖିଲେ ତାହା ସେମାନଙ୍କୁ ଆଶ୍ଚର୍ଯ୍ୟ କରିଦେଲା । ଆବିଷ୍କାର ହୋଇଥିବା ଏହି ସାମୁଦ୍ରିକ ଜୀବ ଏଲିଏନ୍ ପରି ଦେଖାଯାଉଥିବା ଗବେଷଣା ଟିମ୍ କହିଛନ୍ତି । କହିରଖୁ କି, ବୈଜ୍ଞାନିକମାନେ ସମୁଦ୍ରର ମାତ୍ର ଏକ କ୍ଷୁଦ୍ର ଅଂଶକୁ ଅନୁସନ୍ଧାନ କରିବାରେ ସଫଳ ହୋଇଛନ୍ତି, ଆହୁରି ବିସ୍ତୃତ ଅଞ୍ଚଳରେ ଏପର୍ଯ୍ୟନ୍ତ ଗବେଷଣା ସମ୍ଭବ ହୋଇପାରିନାହିଁ ।
