ନୂଆଦିଲ୍ଲୀ,୧୩।୭: ଭାରତର ସ୍ବଦେଶୀ ପ୍ରତିରକ୍ଷା କ୍ଷେତ୍ରକୁ ବଡ଼ ଝଟକା। ଭାରତଠାରୁ ‘ଆକାଶ ମିସାଇଲ ସିଷ୍ଟମ ସିଷ୍ଟମ କିଣିବନି ବ୍ରାଜିଲ। ନିଜ ପଦକ୍ଷେପରୁ ପଛକୁ ହଟିବାର କାରଣ ହେଉଛି ‘ଆକାଶ’ ମିସାଇଲ କିଛି ଅପରେସନନାଲ ପାରାମିଟର୍ସରେ ପ୍ରଦର୍ଶନ କରିବାରେ ଦୁର୍ବଳ ବୋଲି ବ୍ରାଜିଲ ରହିଛି। ଏବେ ବ୍ରାଜିଲର ୟୁରୋପର ପ୍ରତିରକ୍ଷା କ୍ଷେତ୍ରର ଜଣାଶୁଣା କମ୍ପାନୀ ଏମ୍ବିଡିଏ ଆଡକୁ ମୁହାଁଇଛି। ଯାହାକି ଏନହାନସ୍ଡ ମଡ୍ୟୁଲାର ଏୟାର ଡିଫେନ୍ସ ସଲ୍ୟୁସନ୍ (EMADS) ପ୍ରଦାନ କରିଥାଏ। ଏହି ପ୍ରଳାଳୀ ନାଟୋ ଦେଶରେ ପୂର୍ବରୁ ବ୍ୟବହାର କରାଯାଉଥିଲା ଓ ବିଶ୍ବାସନୀୟ ବୋଲି ମନେ କରାଯାଉଥିଲା। ବ୍ରାଜିଲିଆନ ମିଡିଆ ‘ଦ ରିଓ ଟାଇମ୍ସ’ ପକ୍ଷରୁ ରିପୋର୍ଟରେ କୁହାଯାଇଛି ଯେ,ବ୍ରାଜିଲ ସେନା ଓ ଏମ୍ବିଡିଏ ଭିତରେ ଆଲୋଚନା ପ୍ରାୟ ୧ ଆରବ ଆମେରିକୀୟ ଡଲାର (ପ୍ରାୟ ୪.୭ ଅରବ ରିଙ୍ଗଗିଟ୍) ଡିଲ ଆଖପାଖରେ ବୁଲୁଛି। ଏହା ଲାଟିନ୍ ଆମେରିକାରେ ନିକଟ କିଛି ବର୍ଷରେ ସବୁଠାରୁ ବଡ଼ ଏୟାର ଡିଫେନ୍ସ ଡିଲ୍ ମନେ କରାଯାଉଥିଲା।
ବ୍ରାଜିଲ ଗଣମାଧ୍ୟମ ରିପୋର୍ଟ ଅନୁଯାୟୀ, ବ୍ରାଜିଲ 'ଆକାଶ'କୁ ହାଇସ୍ପିଡ ଏବଂ ଲୋ ଏଲ୍ଟିଟ୍ୟୁଡ୍ ଟାର୍ଗେଟ ପାଇଁ କମ୍ ଉପଯୁକ୍ତ ବୋଲି ବିବେଚନା କରିଥିଲା। ଆଜିର ଯୁଦ୍ଧରେ ଯେତେବେଳେ ହାଇବ୍ରିଡ୍ ଓ୍ବାରଫେୟାର, ଡ୍ରୋନ୍ ଆକ୍ରମଣ ଏବଂ ସ୍ମାର୍ଟ ବୋମା ବର୍ଦ୍ଧିତ ଭାବରେ ବ୍ୟବହାର ହେଉଛି, ବ୍ରାଜିଲ ଅନୁଭବ କରୁଛି ଯେ ଆକାଶ ଏହି ବିପଦଗୁଡ଼ିକର ମୁକାବିଲା କରିବା ପାଇଁ ଯଥେଷ୍ଟ ନୁହେଁ।
ବ୍ରାଜିଲର ଏହି ନିଷ୍ପତ୍ତି ଭାରତର 'ଆତ୍ମନିର୍ଭର ଭାରତ' ଅଭିଯାନ ପାଇଁ ଏକ ଗମ୍ଭୀର ଚ୍ୟାଲେଞ୍ଜ। ଭାରତ 'ଆକାଶ'କୁ ଏହାର ସବୁଠାରୁ ସଫଳ ଘରୋଇ ବ୍ୟବସ୍ଥା ମଧ୍ୟରୁ ଗୋଟିଏ ଭାବରେ ବର୍ଣ୍ଣନା କରିଛି । ଏହାକୁ ଅନ୍ତର୍ଜାତୀୟ ବଜାରରେ ପ୍ରୋତ୍ସାହିତ କରୁଛି, କିନ୍ତୁ ବ୍ରାଜିଲର ଅସନ୍ତୋଷ ଦର୍ଶାଉଛି ଯେ ବିଦେଶୀ ସେନା ନାଟୋ-ମାନକ ପ୍ରଯୁକ୍ତିବିଦ୍ୟାକୁ ଅଧିକ ନିର୍ଭରଯୋଗ୍ୟ ବୋଲି ବିବେଚନା କରେ। ସେଭଳି ଭାରତର ସିଷ୍ଟମକୁ ସେହି ସ୍ତରକୁ ପହଞ୍ଚିବା ପାଇଁ ଆହୁରି ଅଧିକ ପରିଶ୍ରମ କରିବାକୁ ପଡିବ।
