ନୀଳଗିରି,୨/୬(ଆ.ପ୍ର):ବାଲେଶ୍ୱର ଜିଲ୍ଲା ନୀଳଗିରି ବ୍ଲକର ବିଭିନ୍ନ ପଞ୍ଚାୟତର ମହିଳାମାନଙ୍କୁ ସ୍ୱାବଲମ୍ବୀ କରିବା ପାଇଁ ଜୀବିକା ମିଶନ ଯୋଜନାରେ ଆସିଥିବା ଅର୍ଥ ହେରଫେର ହୋଇଥିବା ଅଭିଯୋଗ ହୋଇ ଆସୁଥିଲା। ଛେଳିଚାଷ ପାଇଁ ୨୦୨୩ମସିହାରେ ଅର୍ଥ ଧୋବଶିଳା ପଂଚାୟତରେ ବାଟମାରଣା ପ୍ରମାଣ ମିଳିବା ପରେ ନୀଳଗିରି ବିଡ଼ିଓ ଥାନାରେ ଅଭିଯୋଗ କରିଥିଲେ। ଧୋବଶିଳା ଜିପିଏଲଏଫର ସଭାପତି ପ୍ରଭାତୀ ସ୍ବାଇଁ ଗିରଫ ହୋଇଥିଲେ।ସୋମବାର ଜୀବିକା ମିଶନର ବିପିଏମ ଅର୍ଜୁନ ପାଲ ଗିରଫ ହୋଇଥିବା ଜଣାପଡିଛି।
ଜୀବିକା ମିଶନ ଯୋଜନାରେ ଆସିଥିବା ଅର୍ଥ ହେରଫେର ହୋଇଥିବା ଅଭିଯୋଗ ପରେ ଗତ ଏପ୍ରିଲ ୧୯ ତାରିଖରେ ଉପଜିଲ୍ଲାପାଳ ଶୁଭଶ୍ରୀ ରଥ,ନୀଳଗିରି ବିଡ଼ିଓ ବିକ୍ରମ କିଶୋର ପରିଡା ଏବଂ ଅନ୍ୟ ଅଧିକାରୀ ଧୋବଶିଳା ପଞ୍ଚାୟତ କାର୍ଯ୍ୟାଳୟ ପରିସରରେ ପହଞ୍ଚି ସାଂସଦଙ୍କ ସହ ଅନିୟମିତତାର ଯାଞ୍ଚ କରିଥିଲେ।ଏଥିରେ ସମସ୍ତ ଜିପିଏଲ୍ଏଫ୍ ସଦସ୍ୟା , ସଭାପତି, ସମ୍ପାଦକ, ଏମବିକେ ଏବଂ ବିଭାଗୀୟ ଅଧିକାରୀ ଅର୍ଜୁନ ପାଲ ମଧ୍ୟ ଉପସ୍ଥିତ ରହିଥିଲେ। ଯାଞ୍ଚ ବେଳେ ଅନିୟମିତା ହୋଇଥିବା ଜଣାପଡିଥିଲା। ଏ ନେଇ ବିଡ଼ିଓ ନୀଳଗିରି ଥାନାରେ ଏତଲା ଦେଇଥିଲେ। ପୋଲିସ ଖୋଳତାଡ଼ ଆରମ୍ଭ କରିଥିଲା।ଏପରିକି ଗୁରୁତ୍ୱପୂର୍ଣ୍ଣ କାଗଜପତ୍ର ଯାଞ୍ଚ କରିବା ପରେ ସରକାରୀ ଅର୍ଥ ଆତ୍ମସାତ କରିବା ସହ ପ୍ରମାଣ ନଷ୍ଟ କରିବା ଭଳି ଅଭଯୋଗରେ ଜିପିଏଲଏଫର ସଭାପତି ପ୍ରଭାତୀ ସ୍ବାଇଁଙ୍କୁ ନୀଳଗିରି ପୋଲିସ ଗିରଫ କରିଥିଲା। ସୋମବାର ନୀଳଗିରି ପୋଲିସ ବିପିଏମ ଅର୍ଜୁନ ପାଲଙ୍କୁ ଗିରଫ କରିଛି।
