ନୀଳଗିରି, ୩/୬ : ବାଲେଶ୍ଵର ଜିଲ୍ଲା ନୀଳଗିରି ବ୍ଲକ ମୁକୁନ୍ଦପୁର ବଳଦେବ ଜୀଉ ମନ୍ଦିରକୁ ଅଣଦେଖା ଅଭିଯୋଗ। ନୀଳଗିରି ଠାକୁର ମାହାଲ ଅଫିସ ଆଗରେ ଧାରଣା ଦେଲେ ମୁକୁନ୍ଦପୁର ଗ୍ରାମବାସୀ ଓ ଶ୍ରଦ୍ଧାଳୁ। ଠାକୁର ମାହାଲ ପକ୍ଷରୁ ବର୍ଷକୁ ନୀତିକାନ୍ତି ପାଇଁ ୨୦ ହଜାର ଟଙ୍କା ପ୍ରଦାନ କରୁଥିବାରୁ ଠିକ୍ ଭାବେ ପୂଜାର୍ଚ୍ଚନା ହୋଇପାରୁନାହିଁ। ସେପଟେ ରଥଯାତ୍ରା ସମୟରେ ରଥକାଠର ଅଭାବକୁ ଆଖି ଆଗରେ ରଖି ଚାରୋଟି ଚକ ଓ ଆବଶ୍ୟକ କାଠ ଦାବି କରି ଗ୍ରାମବାସୀମାନେ ଧାରଣା ଦେଇଛନ୍ତି।
ପ୍ରଶାସନର ଦୃଷ୍ଟି ଆକର୍ଷଣ କରିବା ସହ ଠାକୁର ମାହାଲ ସର୍ବ ପୁରାତନ ବଳଦେବ ଜୀଉ ମନ୍ଦିରକୁ ସହଯୋଗ କରିବାର ପ୍ରତିଶୃତି ଦେଲେ ଯାଇ ଧାରଣାରୁ ଉଠିବେ ବୋଲି ମତ ପ୍ରକାଶ ପାଇଛି। ମୁକୁନ୍ଦପୁର ଗ୍ରାମର ଯୋଗାନନ୍ଦ ଦାଶ, ଶରତ ଚନ୍ଦ୍ର ଦାଶ, ଗଣେଶ ବେହେରା, ମଧୁସୁଧନ ନାୟକ, ରାଜେଶ କୁମାର ଧାମୁଡ଼ିଆ, ରାଧେଶ୍ୟାମ ଦାସ, ରାଜେନ୍ଦ୍ର ମହାକୁଡ଼, ମନୋରଞ୍ଜନ ନାୟକ, ରାମଚନ୍ଦ୍ର ଧାଉଁରିଆ, ହରିଶ୍ଚନ୍ଦ୍ର ବାରିକ, ନରେନ୍ଦ୍ର ନାୟକ, ଦେବେନ୍ଦ୍ର ରାଉତ, ସୁରେନ୍ଦ୍ର ରାଉଳ, ଭାଗବତ ସେନାପତି, ଗୌରାଙ୍ଗ ସେନାପତି, ଶରତ ଚନ୍ଦ୍ର ରଣା, ଶ୍ରୀକାନ୍ତ ରାଉଳ, ରାମଚନ୍ଦ୍ର ବାରିକ ପ୍ରମୁଖ ଏହି ଦାବି କରିଛନ୍ତି।
