ପର୍ଥ,୨୨/୧୧: ସମ୍ମାନଜକ ବର୍ଡର-ଗାଭାସ୍କର ଟ୍ରଫି ଆରମ୍ଭ ହୋଇଛି । ପର୍ଥରେ ଭାରତ ଓ ଅଷ୍ଟ୍ରେଲିଆ ମଧ୍ୟରେ ଫାଇଟ୍ ଜାରି ରହିଛି  । ଟସ୍ ଜିତି ବ୍ୟାଟିଂ କରୁଛି ଯଶପ୍ରୀତ ବୁମରାଙ୍କ ନେତୃତ୍ବାଧୀନ ଟିମ୍ ଇଣ୍ଡିଆ । ଆରମ୍ଭରୁ ଭାରତୀୟ ଦଳ ଟଳମଳ ହୋଇଛି । ରିପୋର୍ଟ ଲେଖା ହେବା ସୁଦ୍ଧା ଭାରତ ୬୫ ରନ କରି ୪ଟି ୱିକେଟ ହରାଇ ସାରିଛି । ପ୍ରଥମ ଦିନରେ ଭାରତ ଆରମ୍ଭ ଭଲ ନଥିଲେ ବି କେଏଲ ରାହୁଲ ମାଇଲଷ୍ଟୋନ ସ୍ଥାପନ କରିଛନ୍ତି ।

ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା ଭାରତ । ଯଶସ୍ବୀ ଜୈସ୍ବାଲ ଓ ଦେବଦତ୍ତ ପାଡିକର ଓପିନିଂ କରିଥିଲେ । ଦେବଦତ୍ତ ଓ ଜୈସ୍ବାଲ ଖାତା ଖୋଲି ପାରିନପାରି ପାଭିଲିୟନ ଫେରିଥିଲେ । ଏହାପରେ କେଏଲ ରାହୁଲ ଓ ବିରାଟ କୋହଲି ବ୍ୟାଟିଂ ପାଇଁ ଆସିଥିଲେ । ୧୬ ଓଭର ଖେଳ ମଧ୍ୟରେ ବିରାଟ କୋହଲି ୫ ରନ କରି ପାଭିଲିୟନ ଫେରିଥିଲେ । କେଏଲ ରାହୁଲ ସ୍ଥିତି ସମ୍ଭାଳି ଖେଳିଥିଲେ । 

୪୭ ଓଭର ଖେଳରେ ରାହୁଲ ୨୬ ରନ କରି ଆଉଟ ହୋଇଥିଲେ । ଏହି ରନ ସହ ରାହୁଲ ଏକ ମାଇଲଷ୍ଟୋନ ସ୍ଥାପନ କରିଛନ୍ତି । ଟେଷ୍ଟରେ ୩ ହଜାର ରନ କ୍ଲବରେ ପ୍ରବେଶ କରିଛନ୍ତି ଭାରତୀୟ ୱିକେଟକିପର ବ୍ଯାଟର କେଏଲ ରାହୁଲ । ଏହାପରେ ଋଷବ ପନ୍ତ ଓ ଧ୍ରୁବ ଜୁରେଲ ବ୍ୟାଟିଂ ଜାରି ରଖିଥିଲେ । ମାତ୍ର ୧୧ ରନ କରି ଆଉଟ ହୋଇଥିଲେ ଜୁରେଲ । ରିପୋର୍ଟ ଲେଖା ଯିବା ସୁଦ୍ଧା ଭାରତ ୬୫ ରନ କରି ୫ଟି ୱିକେଟ ହରାଇଛି ।