କଟକ,୮।୧୦ : ରାଜ୍ୟ ସ୍ଵାସ୍ଥ୍ୟସେବାରେ ଯୋଡି ହେଲା ଏକ ନୂଆ ଅଧ୍ୟାୟ। ଏସସିବି ମେଡିକାଲ କଲେଜରେ ଖୋଲିଲା ଅସ୍ଥି ଭଣ୍ଡାର ବା ବୋନ୍ ବ୍ୟାଙ୍କ୍ । ମେଡିକାଲର ଅସ୍ଥିଶଲ୍ୟ ବିଭାଗରେ ଖୋଲାଯାଇଥିବା ବୋନ ବ୍ୟାଙ୍କକୁ ସ୍ୱାସ୍ଥ୍ୟମନ୍ତ୍ରୀ ମୁକେଶ ମହାଲିଙ୍ଗ ମୁଖ୍ୟ ଅତିଥି ଭାବେ ଯୋଗ ଦେଇ ଉଦଘାଟନ କରିଛନ୍ତି। 

ଏହି ବ୍ୟାଙ୍କ କାର୍ଯ୍ୟକ୍ଷମ ହେବା ଦ୍ୱାରା ଶଲ୍ୟ ରୋଗ   ଚିକିତ୍ସା ଦିଗରେ ଆହୁରି ଉନ୍ନତି ପରିଦୃଷ୍ଟ ହେବ । କାହିଁକି ନା ପୂର୍ବରୁ ଯେତେବେଳେ କୌଣସି ବ୍ୟକ୍ତି ଦୁର୍ଘଟଣା ଜନିତ କିମ୍ବା ଦୂରାରୋଗରେ ମୃତ୍ୟୁ ହେଲେ ସେମାନଙ୍କ ଶଲ୍ୟ ମଧ୍ୟ ସତ୍କାର ହୋଇଯାଉଥିଲା। କିନ୍ତୁ ଏହି ବୋନ ବ୍ୟାଙ୍କ ଆରମ୍ଭ ହେବା ପରେ ଅନେକ ରୋଗୀ ଓ ସେମାନଙ୍କ ସମ୍ପର୍କୀୟମାନଙ୍କ ମଧ୍ୟରେ ଏକ ଆଶା ସଞ୍ଚାର କରିଛି। ଏଣିକି ଦୁର୍ଘଟଣା ଜନିତ ରୋଗୀଙ୍କ ଠାରେ ଏହି ବ୍ୟାଙ୍କରେ ଗଛିତ ଥିବା ଶଲ୍ୟକୁ ଉପଯୋଗ କରାଯାଇପାରିବ।ଏହି ସେବା ସମ୍ପୂର୍ଣ୍ଣ ରୂପେ ମାଗଣା ରହିବ ବୋଲି ସ୍ୱାସ୍ଥ୍ୟମନ୍ତ୍ରୀ କହିଛନ୍ତି । ଏସସିବି ମେଡିକାଲରେ ବର୍ଷକୁ  ୫୦୦ ରୁ ଊର୍ଦ୍ଧ୍ବ ଲୋକଙ୍କ ଅସ୍ଥି ଅପରେସନ କରାଯାଇ ବଦଳ କରାଯାଏ। । ଯେଉଁଥିରେ କିଛି ଶଲ୍ୟକୁ ଅଣଦେଖା କରାଯାଉଥିଲା । କିନ୍ତୁ ବର୍ତ୍ତମାନ ସଂଗୃହିତ ଶଲ୍ୟକୁ ସଂଗ୍ରହ କରାଯିବ ଓ ଫ୍ରିଜର ରଖି ତାକୁ ଆବଶ୍ୟକ ସ୍ଥଳେ ବ୍ୟବହାର କରାଯିବ ବୋଲି ମେଡିକାଲ ଅସ୍ଥିଶଲ୍ୟ ବିଭାଗ ମୁଖ୍ୟ ଡାକ୍ତର ନିର୍ମଳ ମହାପାତ୍ର କହିଛନ୍ତି।