ନୂଆପଡ଼ା, ୧୩।୬ : ଟ୍ରେନ୍ ଲାଇନ୍ରୁ ଯୁବକଙ୍କ ମୃତଦେହ ଉଦ୍ଧାର। ନୂଆପଡ଼ା ଜିଲ୍ଲା ଲଖନା ଥାନା ଟେଙ୍ଗନାବସା ଫାଟକ ନିକଟରୁ ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଛି। ମୃତ ଯୁବକ ଜଣଙ୍କ ଜାମ ଦରହା ଗାଁର ଭୁପେନ୍ଦ୍ର ମାଝି ବୋଲି ଜଣାପଡ଼ିଛି।
ସୂଚନାନୁଯାୟୀ, ଶୁକ୍ରବାର ସକାଳେ ଲଖନ ଥାନା ଟେଙ୍ଗନାବସା ରେଲୱେ ଫାଟକ ନିକଟରେ ଜଣେ ଯୁବକଙ୍କ ମୃତଦେହ ପଡିଥିବା ଗାଁ ଲୋକେ ଦେଖିବାକୁ ପାଇଥିଲେ। ଦେଖୁ ଦେଖୁ ଘଟଣାସ୍ଥଳରେ ଆଖପାଖ ଲୋକ ରୁଣ୍ଡ ହୋଇଯାଇଥିଲେ। ମୃତକ ଜଣଙ୍କ ଜାମଦରହା ଗାଁର ଭୁପେନ୍ଦ୍ର ବୋଲି ଚିହ୍ନଟ କରିଥିଲେ। ଖବର ପାଇ ପରିବାର ଲୋକେ ଘଟଣା ସ୍ଥଳରେ ପହଞ୍ଚିଛନ୍ତି।
କଣ୍ଟାବାଞ୍ଜି ଜିଆରପି ଘଟଣା ସ୍ଥଳ ଅଭିମୁଖେ ବାହାରିଥିବା ଜଣାପଡ଼ିଛି। ମୃତଦେହକୁ ଜବତ କରି ବ୍ୟବଚ୍ଛେଦ କରିବା ପରେ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ଜିଆରପି ତରଫରୁ ସୂଚନା ଦେଇଛନ୍ତି। ତେବେ କିଭଳି ସ୍ଥିତିରେ ଯୁବକଙ୍କ ମୃତ୍ୟୁ ହୋଇଛି, ତାର କାରଣ ଅସ୍ପଷ୍ଟ ରହିଛି।
