ବାରିପଦା,୦୨/୦୯: ଶିମିଳିପାଳରେ ଏକ ପୁରୁଷ ହାତୀ ଶାବକର ମୃତ ଦେହ ଠାବ । ହାତୀଟିର ବୟସ ୧ ବର୍ଷ ହୋଇଥିବା ବେଳେ ହାତୀଛୁଆର ମଳ ଦ୍ଵାରରେ ହୋଇଥିବା କ୍ଷତ ଯୋଗୁଁ ତାର ମୃତ୍ୟୁ ହୋଇଥିବା ଜଣପଡ଼ିଛି । ଶିମିଳିପାଳ ଅନ୍ତର୍ଗତ ଜେନାବିଲ ରେଞ୍ଜରେ ଏଭଳି ଏକ ଅଘଟଣ ଘଟିଛି ।

ସୂଚନା ଅନୁଯାୟୀ, ଶିମିଳିପାଳ ଅନ୍ତର୍ଗତ ଜେନାବିଲ ରେଞ୍ଜରେ ଏକ ହାତୀ ଶାବକର ମୃତଦେହ ଠାବ ହୋଇଛି । ଏନେଇ ଶିମିଳିପାଳ ବ୍ୟାଘ୍ର ପ୍ରକଳ୍ପ ପକ୍ଷରୁ ସୂଚନା ଦିଆଯାଇଛି । ମୃତ ହାତୀ ଶାବକର ବୟସ  ୧ ବର୍ଷ ହୋଇଥିବା ବେଳେ ଏହା ଏକ ପୁରୁଷ ହାତୀ ଅଟେ । କୌଣସି କାରଣରୁ ହାତୀ ଶାବକର ମଳ ଦ୍ଵାରରେ କ୍ଷତ ଯୋଗୁଁ ଏହା ମୃତ୍ୟୁର କାରଣ ପାଲଟିଥିବା କୁହାଯାଇଛି । ଉକ୍ତ କ୍ଷତସ୍ଥାନରେ ପୋକ ସାଲୁବାଲୁ ହେଉଥିବା ଦେଖିବାକୁ ମିଳିଛି l ଶବ ବ୍ୟବଚ୍ଛେଦ ପରେ ମୃତ ହାତୀ ଶାବକର ଶବକୁ ପୋତି ଦିଆଯାଇଛି ।