କଟକ ୦୧/୧୨: ସ୍କୁଟିକୁ ଧକ୍କା ଦେଲା ବାଇକ୍‌। ଦୁର୍ଘଟଣାରେ ଦୁଇଜଣ ଗୁରୁତର ଦୁଇଜଣ ଆହତ। ଉଦ୍ଧାର କରି ମେଡିକାଲରେ ଭର୍ତ୍ତିକଲା ଅଗ୍ନିଶମ ବିଭାଗ।

ସୂଚନା ଅନୁଯାୟୀ, କଟକ ଚାନ୍ଦବାଲି ରାସ୍ତାର ସାଲେପୁର ଥାନା କଳାଗ୍ନୀ ଛକ ନିକଟରେ ସ୍କୁଟିକୁ ପଛପଟୁ ଏକ ବାଇକ ଧକ୍କା ଦେଇଥିଲା । ଦୁର୍ଘଟଣାରେ ଦୁଇଜଣ ଗୁରୁତର ହୋଇଥିବା ବେଳେ ଦୁଇଜଣ ଆହତ ଅଛନ୍ତି। ଚାରୀଜଣଙ୍କୁ ଅଗ୍ନିଶମ ବିଭାଗ ଉଦ୍ଧାର କରି ପ୍ରଥମେ ସାଲେପୁର ମେଡିକାଲରେ ଭର୍ତ୍ତି କରିଥିଲା। ସେଠାରୁ ଗୁରୁତର ଅବସ୍ଥାରେ ଜଣକୁ କଟକ ମେଡିକାଲରେ ଭର୍ତ୍ତି କରାଯାଇଥିବା ବେଳେ ଅନ୍ୟ ଜଣକୁ ଏକ ଘରୋଇ ମେଡିକାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି। ବାଇକରେ ଥିବା ବରାଦୋର ଗୋପୀନାଥ ସେଠୀ ଆହତ ହୋଇଥିଲା ବେଳେ ଟୁଲୁ ସେଠୀ ଗୁରୁତର ହୋଇଥିଲେ। ସେହିପରି ସ୍କୁଟିରେ ବେତେଇ ଗ୍ରାମର ରଘୁଆ ମହାରଣା ଆହତ ହୋଇଥିବା ବେଳେ ପୁଅ ଗୁରୁତର ହୋଇ ଥିବାର ସୂଚନା ମିଳିଛି। ଘଟଣା ସ୍ଥଳରେ ପୋଲିସ ପହଞ୍ଚି ସ୍କୁଟି ଓ ବାଇକକୁ ଜବତ କରି ତଦନ୍ତ କରୁଥିବା   ସୂଚନା ମିଳିଛି।