ବାରଙ୍ଗ,୦୬/୧୨: ବାରଙ୍ଗ ପୁଅ ବୋହୂ ପୋଡ଼ି ଘଟଣାରେ ପୁଅ ଦିନବନ୍ଧୁ ରାଉତଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି । ପାଞ୍ଚ ଦିନ ତଳେ ପାରିବାରିକ କଳହରୁ ପୁଅ ଏବଂ ବୋହୂକୁ ପେଟ୍ରୋଲ ଢ଼ାଳି ନିଆଁ ଲଗାଇ ଦେଇଥିଲା ବାପା । ଚାରି ଦିନ ତଳେ ବୋହୂ ସସ୍ମିତା ରାଉତଙ୍କ ଜୀବନ ଯାଇଥିଲା ।
ସୂଚନା ମୁତାବକ, ନିଶା ଖାଇବାକୁ ବାରଣ କରିବାରୁ ନୃଶଂସ ବାପା ନେଇଗଲା ପୁଅ ବୋହୂଙ୍କ ଜୀବନ । ପୁଅ ବୋହୂଙ୍କୁ ପେଟ୍ରୋଲ୍ ଢାଳି ନିଆଁ ଲଗାଇଥିବା ବେଳେ ୪ ଦିନ ତଲେ ବୋହୂ ସସ୍ମିତାଙ୍କ ମୃତ୍ୟୁ ହୋଇଥିଲା । ଏହି ଘଟଣା ପରେ ପୁଅ ଦୀନବନ୍ଧୁଙ୍କର ଜୀବନ ସଙ୍କଟାପନ୍ନ ହୋଇଥିଲା । ସେ ଚିକିତ୍ସାରତ ଥିବା ବେଳେ ଶୁକ୍ରବାର ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି ।
ତେବେ ଡିସେମ୍ବର ୧ ତାରିଖରେ ବାରଙ୍ଗ ଥାନା ଅଧୀନରେ ଥିବା ଗୋଡ଼ିସହି ଫାଣ୍ଡି ନିକଟରେ ରହୁଥିବା ଗୋବର୍ଦ୍ଧନ ରାଉତଙ୍କ ପୁଅ ବୋହୂ ଖାଇ ଏକାଠି ଖାଉଥିଲେ । ଏହି ସମୟରେ ହଠାତ୍ ଏକ ଜରିରେ କିଛି ପେଟ୍ରୋଲ୍ ଭର୍ତ୍ତି କରି ଆଣି ଦୀନବନ୍ଧୁ ଓ ପୂଜାଙ୍କ ଉପରକୁ ପକାଇ ହାତରେ ଧରିଥିବା ନିଆଁ ହୁଳାରେ ନିଆଁ ଲଗାଇ ତୁରନ୍ତ କବାଟ ବନ୍ଦ କରି ଦେଇଥିଲା ବାପା । କିଛି କେହି ବୁଝିବା ପୂର୍ବରୁ ଦେହରେ ପେଟ୍ରୋଲ ପକାଇ ପୁଅ ବୋହୂଙ୍କୁ ଜାଳି ଦେଇଥିଲା ବାପା ଗୋବର୍ଦ୍ଧନ ରାଉତ । ନିଶା ଖାଇବାକୁ ଟଙ୍କା ନଦେବାରୁ ଏପରି କରିଥିବା ଜଣା ପଡିଥିଲା। ଏହି ଘଟଣା ପରେ ପୁଅ ବୋହୂ ଡାକ୍ତରଖାନାରେ ଚିକିତ୍ସାରତ ଥିବା ବେଳେ ୪ ଦିନ ତଳେ ବୋହୂଙ୍କ ମୃତ୍ୟୁ ହୋଇଥିଲା । ସେପଟେ ଘଟଣାରେ ବାପାକୁ ଗତ ୪ ତାରିଖରେ ଗିରଫ କରି କୋର୍ଟ ଚାଲାଣ କରାଯାଇଥିଲା।
