ନୂଆଦିଲ୍ଲୀ, ୧/୧୦ : ଉତ୍ତରପ୍ରଦେଶର ଶାମଲୀରେ ମଙ୍ଗଳବାର ଦିନ ଦ୍ବିପ୍ରହରରେ ବ୍ୟାଙ୍କ ଲୁଟକୁ ସଫଳ କରିଛନ୍ତି ଦୁର୍ବୃତ୍ତମାନେ । ବ୍ୟାଙ୍କ ଭିତରେ ପହଞ୍ଚି ମ୍ୟାନେଜରକୁ ଗନ୍ ପଏଣ୍ଟରେ ନେବା ପରେ ୪୦ଲକ୍ଷ ନଗଦ ଟଙ୍କା ସହ ସହଜରେ ଫେରାର ହୋଇଯାଇଛନ୍ତି । ନିଜର ପରିଚୟ ଲୁଚେଇବାକୁ ଅପରାଧିମାନେ ମୁହଁରେ ମାସ୍କ ଏବଂ ମୁଣ୍ଡରେ ଚାଦର ଘୋଡ଼େଇ ହୋଇ ପହଞ୍ଚିଥିଲେ । ଏହି ଘଟଣା ସଦର କୋତବାଲୀ ଅଞ୍ଚଳରେ ଧୀମାନପୁରା ଗେଟ ନିକଟ ଆକ୍ସିସ ବ୍ୟାଙ୍କର ଅଟେ ।
ଦୁର୍ବୃତ୍ତମାନେ ମ୍ୟାନେଜର ନବୀନ ଜୈନଙ୍କୁ ନିଜର ସୁଇସାଇଡ ନୋଟ ବି ଦେଖାଇଲେ ଏବଂ ଧମକ ଦେଇ କହିଥିଲେ ମୋ ଉପରେ ୩୮ଲକ୍ଷ ଟଙ୍କାର ଋଣ ଅଛି । ଆପଣ ମୋତେ ୪୦ଲକ୍ଷ ଟଙ୍କା ଦିଅନ୍ତୁ ନାହିଁ ତ ମୁଁ ଆତ୍ମହତ୍ୟା କରି ନେବି ନ ହେଲେ ଆପଣଙ୍କୁ ମାରି ଦେବି । ଶାମଲୀ ଏସପି ରାମ ସେବା ଗୌତମ କହିଛନ୍ତି କି ଏହି ଘଟଣାର ଯାଞ୍ଚ କରାଯାଉଛି । କୁହାଯାଉଛି କି ଦୁର୍ବୃତ୍ତମାନେ ବ୍ୟାଙ୍କ ମ୍ୟାନେଜରଙ୍କ ସହ ବସିଥିଲେ, ସେତେବେଳେ ସେ ଏକ ସୁଇସାଇଡ ନୋଟ ବ୍ୟାଙ୍କ ମ୍ୟାନେଜରଙ୍କୁ ଦେଖାଇଥିଲେ, ପରେ ସେ କାନରେ କହିବାକୁ ଲାଗିଲେ କି ମୋ ଉପରେ ୩୮ଲକ୍ଷ ଟଙ୍କାର ଋଣ ଅଛି । ଆପଣ ମୋତେ ୪୦ଲକ୍ଷ ଟଙ୍କା ଦିଅନ୍ତୁ, ନାହିଁ ତ ମୁଁ ଆତ୍ମହତ୍ୟା କରି ନେବି ପୁଣି ଆପଣଙ୍କୁ ଜୀବନରୁ ମାରିଦେବି । ବର୍ତ୍ତମାନ ଆଗକୁ ଯାଞ୍ଚ କରାଯାଉଛି ।
